Reklamo

La lastaj notoj en Taglibroj de uzantoj

Ҫӗрпӳ карттине ӳкертӗм

■ 26.05.2009 22:52 | 5272 Пурĕ пăхнă

Уф... Ӳкерсе пӗтертӗмех паян. Чи малтанах http://enc.cap.ru сайтри ӳкерчӗке тӗпе хурса ӳкересшӗнччӗ, анчах та вал ытла та схематичлӑ пулнӑран ҫӗнӗрен ӳкерес терӗм. Чӑваш Ен атласне ӳкерсе илтӗм те малтан Corel-ра контурсене хатӗрлерӗм, кайран вара Photoshop-ра ял ячӗсене ҫырса тухрӑм, ялсене вырнаҫтарса тухрӑм, сӑрларӑм.
Ҫапла пулчӗ:
http://chuvash.org/e/496d6167653a7a ... 6a6f6e2d736d2e676966
Чи малтан вӑрмансене те ӳкересшӗнччӗ, анчах шухӑшларӑм-шухӑшларӑм та ун пекех аппаланас мар терӗм.

[Aldoni novan komenton (1)]

Эпе.

■ 23.05.2009 12:55 | 5147 Пурĕ пăхнă

Хам синчен манан каласа памалла-и? Эпе Чаваш композиторесен Ассоциацийен члене. Юрасем сыратап. Весене нумайашне хамах юрлатап. Халлехе 6 диск майласа каларна хам юрасенчен. Чаваш писвтелесен Союзен члене. Эпе "80 лет на переднем крае" ятла кенеке каларна,ку кенеке милиционерсем синчен, нумай-нумай статьясем сырна.

[Aldoni novan komenton (2)]

Кирлӗ мар?

■ 22.05.2009 20:02 | 5233 Пурĕ пăхнă

Мана яланах хӑш-пӗр ҫынсем хӑйсен ӗҫне ҫиелтен кӑна тума юратни тӗлӗнтерет. Хӑш-пӗр чӑваш хушшинче те ҫак йӗрке сарӑла пуҫланӑ...
Ак, «Тӑван Атӑл» сайтне илер. Вӑл нумай пулмасть «atal-volga.ru» домен ҫинче вырнаҫатчӗ. Паян пӑхас терӗм те — ҫук, ҫухалнӑ. Сӑлтавӗ — хӑйсен доменне вӑхӑтра тӑсманнинче пулас:
http://www.webnames.ru/scripts/whoi ... n_name=atal-volga.ru

created: 2008.04.28
paid-till: 2009.04.28
free-date: 2009.05.31
source: TC-RIPN

Доменӑн усӑ курмалли вӑхӑтне тӑсманни ман шутпа ҫак сайта вӗсем чунтан-чӗререн туманнипе ҫыхӑннӑ.

Далее...

[Aldoni novan komenton]

Экскурсире

■ 19.05.2009 21:03 | 4611 Пурĕ пăхнă

ӑ Паян эпир шкул ачисемпе экскурсине кайрӑмӑр.Майӑн 19-мӗшпе пионери кунне паллӑ тӑватчӗҫ. Эпир те яланах ҫак уява паллӑ тунӑ.Кӑҫал та кӑвайт чӗртсе "иккӗсене" ҫунтарса ятӑмӑр.Юрӑсем юрласа савӑнтӑмӑр.Кашни класс кӑвайт ҫинче яшка-нимӗр пӗҫерчӗ,тутлӑ чей вӗретрӗ.Унтан ӑмӑртусенче вӑй виҫрӗмӗр, вӗренекенсемпе танах учительсем те чупрӗҫ, сикрӗҫ, упаленчӗҫ, футбол вылярӗҫ.Вӗренекенсем мала тухрӗҫ пулин те, эпир кӑмӑллӑ!

[Aldoni novan komenton (4)]

Экспозици

■ 18.05.2009 21:01 | 4371 Пурĕ пăхнă

Етӗрне район хыпарӗсемпе паллашрӑм.Етӗрнери тӗп библиотекӑра Ҫӗр ӗҫченӗсен ҫулталӑкне халалласа "Земля и люди Ядринского края" экспозици уҫнӑ. Пирӗн атте, Чӑваш АССР тата РСФСР тава тивӗҫлӗ агрономӗ Александров Вячеслав Александрович ( 20.05. 1929 - 05.10.2005) пурӑннӑ пулсан майӑн 20-мӗшпе хӑйӗн 80 ҫулхи юбилейне паллӑ тӑватчӗ.
Ӗмӗр тӑршшӗпе Етӗрне районӗнчи "Заветы Ильича" колхозра вӑй хучӗ, чунне парса агономра, колхоз ертӳҫинче тӑрӑшрӗ.
Фойере унӑн сӑнне вырнаҫтарнӑ,библиотекӑна пыракан аттен архивӗпе паллашма пултарать.
Экспозиципе хамӑн та май тупса паллашасчӗ-ха.

Далее...

[Aldoni novan komenton]

Тӑван историе ген шайӗнче хисеплес мар патне ҫитрӗмӗр

■ 16.05.2009 14:15 | 4356 Пурĕ пăхнă

cap.ru сайт ҫинче вырнаҫнӑ Муркаш районӗн страници ҫинче Акрам вӑрҫипе ҫыхӑннӑ дата ҫывхарса килни ҫинчен ҫырнӑ. Анчах та кунта "восставшими руководили опытные вояки" тени чуна мӑка ҫӗҫӗпе каснӑ пекех касать. Урӑхла каласан, слово "вояка" - негативно-ироничное. Про положительных героев обычно пишут "воин", "боец". А вояками чаще всего называют недоумка-неуча взявшего оружие.

[Aldoni novan komenton]

Смертельно храбрые войска

■ 14.05.2009 19:29 | 4443 Пурĕ пăхнă

cap.ru сайт интереслӗ сӑмах ҫаврӑнӑшсем усӑ курать. "Смертельно храбрые войска" тесе мӗн калас тенӗ-ши? Кулӑшла.

[Aldoni novan komenton]

Октябрьскинчен Ҫӗрпӗве ҫити

■ 12.05.2009 11:26 | 6617 Пурĕ пăхнă

Паян, ҫӑвӑн 11-мӗшӗнче, Октябрьскинчен Ҫӗрпӗве утса тухрӑм. Ҫитме ҫул ҫывӑх мар пулсан та утса тухрӑмах. Халӗ ҫак ҫулҫӳревре курнӑ ӳкерчӗксемпе паллаштарасшӑн.
Октябрьскине эпӗ 7-ре ларса тухрӑм, автобусӗ Кугеевӑна (шел те чӑвашла ячӗсене пӗлместӗп — ятарлӑ кӗнеке ман ал айӗнче ҫук, интернечӗ те ҫук) каяканни пулчӗ — пӗрле ларса тухнӑ ҫынсенчен темле чӑваш сӑмахӗ илтес терӗм пулсан та илтеймерӗм — вырӑсла ҫеҫ пакӑлтатрӗҫ. Пӗр ача чӑвашла калаҫасса шантӑм — асламӑшӗпе пӗрле ларса пыратчӗ, хӑйне вара ялти пек тумлантарнӑ — ҫук, пӗр-пӗринпе вырӑсла ҫеҫ калаҫса пычӗҫ.

Далее...

[Aldoni novan komenton]

«Тутимӗре» кӗртсе пӗтертӗм

■ 04.05.2009 23:52 | 4928 Пурĕ пăхнă

Ҫак хайлав ман алла лексен эп ӑна чун-чӗререн юратса пӑрахрӑм! Яков Ухсай маншӑн чӑн-чӑн пултаруллӑ ҫын пек тухса тӑчӗ — вара вӑхӑта сая ярас мар тесе ӑна электронлӑ вулавӑша вырнаҫтарас терӗм. Вулавӑш калӑпӑшӗпе кӑна мар, хӑйӗн пахалӑхӗпе те палӑрса тӑмалла — Яков Ухсайӑн «Тутимӗрӗ» вара ӑна чӑннипех те ӳстерессе шанатӑп.
Ку хайлава кӗртме пулӑшнӑшӑн ман хамӑн йӑмӑка, Еремеева Еленӑна, тата ун мӑшӑрне Володӑна тав сӑмахӗ калас килет. Кӗнеки пӗчӗк мар, унсӑр пуҫне 1975 ҫулта тухнӑ пирки ӑна сканерлама та йывӑр — FineReader текста тӗрӗс палласа илеймест, пичетре тӗл пулакан кӑлтӑксем чӑрмантараҫҫӗ.

Далее...

[Aldoni novan komenton]