Eniri | Registriĝo | Сайта кӗрсен унпа туллин усӑ курма пулӗ
 +24.0 °C
 

Reklamo

La lastaj notoj en Taglibroj de uzantoj

 
 

Чи нумай çыракансем

 
Agabazar
63 çыру
 
 

44 çыру
 
 
 
 
 
 
 

Хӑй тӗллӗн нимӗн те пулмасть

 

Чӑваш чӗлхи атте-анне ҫинче ҫеҫ тытӑнса тӑраймӗ

Пире атте-анне тӑван чӗлхене вӗрентет. Анчах та тӑван чӗлхе атте-анне ҫинче ҫеҫ тытӑнса тӑма пултараймасть.

Хальхи саманара ҫакӑ пушшех те тӗрӗс.

Акӑ эпир чӑвашла калаҫатпӑр, ҫыратпӑр, вулатпӑр. Ҫак япала хӑшне-пӗрне хӑйне хӑй пулса пырать пек туйӑнать пулмалла. Анчах та ку пачах та апла мар. Тӗнчере нимӗн те хӑйне хӑй, хӑй еккипе пулса пымасть. Пурин те хайӗн йӗрки пур.

Эпир ҫакнашкал хамӑр чӗлхепе усӑ курассишӗн нумай-нумай ҫын тар кӑларса тӑрӑшнӑ. Атте-анне ҫеҫ мар! Тӑрӑшнӑ вӗрентевҫӗсем, методистсем, чиновниксем, политиксем, ҫыравҫӑсем, мусӑкҫӑсем, ӑславҫӑсем... Пинӗ-пинӗпе!

Ҫавсем тӑрӑшман пулсан паян ним те пулас ҫукчӗ.

Чӑваш чӗлхи атте-анне ҫинче ҫеҫ тытӑнса тӑраймӗ

Ӗнтӗ миҫемӗш ҫул ӗнтӗ пирӗн пуҫа минретеҫҫӗ: ятарласа патшалӑх тӑрӑшни ним тума та кирлӗ мар, ашшӗ-амашӗ чӑвашла вӗренткелени те ҫитӗ!

Чӑваш тата вырӑс мар ытти чӗлхесем пирки калани ӗнтӗ ку.

Ҫав вӑхӑтрах вырӑс чӗлхине хайне вӗренӳ тытӑмӗнчен хӑваласа кӑларма никам та шутламасть. Мӗнпур предметсене вӗрентесси, вӗрентӗве ертсе пырасси пӗтӗмпех ҫав чӗлхепе пулса пырать пулин те.

Ӑҫтан-ха чӑваш чӗлхи атте-анне ҫинче ҫеҫ тытӑнса тӑма пултарайтӑр, енчен те хайхи ашшӗ-амӑшӗсем чылай чухне хайсем те чӑвашла пӗлмеҫҫӗ пулсан?

Чӑваш чӗлхи атте-анне ҫинче ҫеҫ тытӑнса тӑраймӗ

Пӗтӗм пӗрлӗх, вӑл шутра патшалӑх тытӑмӗсем те, ҫине тӑрса кӗрешсен ҫеҫ чӑваш чӗлхи сыхланса юлма пултарать. Хӑй тӗллӗн нимӗн те пулмасть.

Атте-анне ҫине шанса лартса ыттисем ним те туманни кунта вырӑнсӑр. Ҫав еннелле туртса халлап ҫапакансем — пархатарсӑр харкамлӑхсем.

Ҫапла, пире пурне те атте-анне чӑвашла вӗрентнӗ. Е — вӗрентмен. Ҫапла вара юлашки 150 ҫул хушшинче пӗр мӗльюн ҫын чӑваш пулма пӑрахнӑ. Е, тен, апла мар-и? Анчах та пурперех ҫав хисеп ҫав тери пысӑк.

Чӑваш чӗлхи атте-анне ҫинче ҫеҫ тытӑнса тӑраймӗ

Шкулта ҫавна ятарласа вӗренмен ҫын чӑваш чӗлхипе кулленхи пурнӑҫра туллин, йӗркеллӗн усӑ курма пултараймасть.

Хуть те мӗн чухлӗ тулхӑр — ку чӑнах та ҫапла. Калӑпӑр, ак мана илер. Мӗншӗн-ха эп сак статьяна ҫырма пултартӑм? Мӗншӗн тесен шкулта 10 (вунӑ) ҫул чӑваш чӗлхине тата литературине вӗреннӗ. Ячӗшӗн мар, тарӑшса, пикенсе вӗреннӗ. Ҫапла пулман пулсан — ним те пулмастчӗ. Унашкал пӗлӗве тата хӑнӑхӑва мана атте-анне ҫапса пӑрахсан те парайрас ҫукчӗ. Ҫавӑн пекех — асанне-кукамай та....

Акӑ тата Самар облаҫӗнчи чӑвашсен хаҫачӗ сӳнсе ларчӗ теҫҫӗ. Мӗншӗн? Чи пысӑк сӑлтавӗ — унти чӑвашсене ӗнтӗ 50-60-70 ҫул хушши йӗркеллӗн чӑвашла вӗрентменнинче. Вара унашкал шкултан тухнӑ ҫын паллах, чӑвашла ни вулама, ни ҫырма, ни ытти енӗпе усӑ курма пултараймасть. Калаҫасси те йӗркеллӗн пулса пыраймасть. Мӗншӗн тесен — вӗренмен тата вӗрентмен! Вӗренесси тата вӗрентесси вара хӑй тӗллӗн пулмасть.

Картана хупӑнасран вут пек ача хӑтарчӗ

Языковое унижение чревато последствиями

Эпир сире пусмӑрлатпӑр, эсир вара сас пама ан хӑйӑр!

В чем суть национального языкового вопроса?

Çĕннисем

17.07.2018 20:14Ни один чувашский скульптор не поставил скульптуру, связанную с историей чувашского народа

10.07.2018 20:17О срыве рейсов пассажирских автобусов маршрута № 22 в Чебоксарах

03.07.2018 21:02Агатуй — весенний военный смотр.

28.06.2018 21:37Ентешӗн юбилейлӑ выставки

26.06.2018 14:04Валентин Шурчановӑн ҫӑлтӑр саманчӗ

24.06.2018 10:14Чӑвашла калав ҫырса пӗтӗм тӗнче шайӗнче ӑмӑртма йыхравлатпӑр!

21.06.2018 20:41Картана хупӑнасран вут пек ача хӑтарчӗ

20.06.2018 11:36Сехмет

16.06.2018 16:42Почему молчит Атнер Хузангай?

15.06.2018 14:47Итоги круглого стола о роли родного языка в сохранении самобытности народов России

Тематикăсем

Шухăшлаттаракансем

6900Малалла чӑнлӑх патне!..

3066Чуваши болгары по происхождению и «янычары» по названию.

2825Фанагоринчи «Пин ҫул ытла пӑлхарччӗ эп» сӑвӑ конкурсӗ пирки

2398Хӑй тӗллӗн нимӗн те пулмасть

1587Чӑваш сӑмах пӗлтерӗшне ытти чӗлхесенче шырамалла пулнӑ

1576Итоги круглого стола о роли родного языка в сохранении самобытности народов России

1493Чӑваш чӗлхи атте-анне ҫинче ҫеҫ тытӑнса тӑраймӗ

1354Шупашкар и Чебоксары. Пороисхождение названий

912Картана хупӑнасран вут пек ача хӑтарчӗ

779Сехмет

Orphus

Reklamafiŝoj

0 Флудилня (чат)

Grupo en Facebook 1300+
 
 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru