Reklamo

Владимир: Мӗн вӑл пирӗншӗн вырӑс чӗлхи?

Владимир30.12.2013 18:1763010 Пурĕ пăхнă

Attila. 30 декабря 2013, 15:35. «Вырӑс чӗлхи пирӗншӗн ют чӗлхе,колонизаторсен чӗлхи. Russian language is a foreign language for me

Для меня русский язык иностранный(язык оккупантов) ,я сразу это всем говорю,я мыслю по чувашски,считаю кстати по чувашски вернее и точнее получается.Мне даже ближе английский и немецкий там больше родственных связей я вижу ,чем в иностранном русском»

Ҫак сӑмахсене пайӑн-пайӑн уйӑрса тишкерме шутларӑм. Attila: "вырӑс чӗлхи пирӗншӗн ют чӗлхе, колонизаторсен чӗлхи". Мӗн пур чӑваша илсен пӗр чӑвашӗ те пулин вырӑсла калаҫма вӑтанать-ши? Ҫук! Кашни чӑваш ҫемьинче вырӑс чӗлхисӗр пурнӑҫа аталантарма май ҫуккине ӑнланаҫҫӗ кӑна мар, чӑваш чӗлхипе аталанаймастӑн тесе шутлаҫҫӗ!Хула варринче чӑвашла калаҫма именекен чӑваш пур-и? Чилай! Мӗншӗн? Кам куншӑн айӑплӑ? Вырӑс-и? Е, чӑвашӗ-и? Кам пире, чӑвашсене, тӑван яла аталантарма чарать? Кам ял ҫумӗнчи ҫӗрсене ҫеремлентерсе ячӗ? Вырӑс-и? Мӗншӗн пурте хуланалла талпӑнатпӑр? Канлӗ, папи пурнӑҫ шыраса! Вырӑс ҫумӗнче!

Attila: "вырӑс чӗлхи пирӗншӗн колонизаторсен чӗлхи" Чӑваш халӑхӗ (Чӑваш ЕН)паянхи куна вырнаҫнӑ вырӑн чӑвашӑн -им? Ҫук? Атӑлҫи Пӑлхарӑн границисене пӗлетпӗр вӗт? Аҫта папкаланса аталаннӑ чӑвашлӑх,- пӗлетӗр-и хуть? Кам халӗ ҫав ҫӗр ҫинче хуҫаланать? Тата. Ҫӗпӗрти, Атӑл тӑрӑхӗнчи чӑвашсем кам ҫумӗнче сыхланса юлма пултарнӑ-ха? Вырӑс ҫумӗнче мар-им? Колонизатор тесе кама калаҫҫӗ? Сан пурнӑҫна аркатса санран тарҫӑ туса хуракана калаҫҫӗ. Ҫапла мар-и? Историе вулакан этем пирӗн шеремет халӑхӗ 13-15-мӗш ӗмӗрсенче мӗнле майпа ҫӑлӑнса юлнине пӗлме кирлӗ. 16-мӗш ӗмӗрте хӑй шӑпине хӑйех палӑртнине те ӑслӑ-тӑнлӑ этем лайӑхах тӑнлама кирлӗ. Иртнӗ ҫӗрҫуллӑх хушшинче вырӑс халӑх ӗнси ҫинче кӑна этем шайне кӗме пултартӑмӑр вӗт. Эпир те эпир тетпӗр. Шкул кӗнекисене илер ха. Тӑван Енех, сӑмахран. 19-мӗш ӗмӗрчен пӗр ӗненмелле пулӑм кӑтартса панӑ-ши ку кӗнекере. Тата ӑсчахӗсем хушшинче пӗр чӑваш та пулин пур-и? И.Яковлев, И.Ьичурин, В.Чапаев, Егоров тата ыттисем те чӑвашсем-им? Кӗнеке вулама, хут пӗлме ҫӗр ҫул кӑна пӗлетпӗр вӗт! Вырӑса пула кӑна!

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (270)]

Komentoj:

Атнер // 3913.58.4645 2014.04.11 09:14
	Трахомлă,пыйтлă çĕрпÿртре пурăнаканнисене курман=и вăл?.Чăваш мĕн авалтан мунчара милĕкпе çапăннă.Вĕсем пек вĕри кăмакана тăлăп тăхăнса кĕрсе выртса тарламан.Суять ку хисеплĕ ватă.Апполинарий атте пачăшкă велосипетпа çÿретчĕ.Ку вара шикарный мерседеспа.
bor1959 // 1039.8.4424 2014.04.11 10:43
	Рязаньре 1976 çулта ялĕсем уш арканнă та ĕнтĕ, вĕсен килĕнче простынь мар, кравачĕсем те юлман-тăр. Тем тесен те ку сăмахсене Варнава шутламасăр каланă. Акасапар туп-ха, тархасшăн, мĕнле ялта пулнă ку истори. Кайса килетпĕр вăл яла, курса калаçăпăр сывă свидетлĕсемпе.
Владимир // 4132.37.7347 2014.04.11 11:17
	Суймасть пулĕ çав Варнава атте. Эпĕ хам 1982-мĕш çулта вĕрентекен ĕçне пуçларăм. Ун чухнех пире ялсем тăрăх ачасен килĕсенче мĕнле пурăннине тĕшкерме яратчĕç. Кашни классрах ик-виç ача пыйтăллăччĕ. Хам та киле чутах ертсе пымарăм.
Agabazar // 1733.70.3024 2014.04.11 13:33
	Варнава вырăссем кăмакана кĕрсе ларса "мунча кĕни" çинчен ма каласа памасть тата? :-)
Agabazar // 1733.70.3024 2014.04.11 13:57
	Володя:"...пыйтăллăччĕ..." Мана вара хăвăр пыйтланса кайнă пек туйăнать. Тÿрĕ тата ытарлă пĕлтерĕшсемпе каласан та. Вырăс чĕлхи пирĕн пурнăçра çав тери пысăк вырăн йышăнать.
bor1959 // 1039.8.4424 2014.04.11 19:16
	Вăт Володя, çак куштан Акасапарккапа пыр та калаç пĕрле пухăнса ĔÇ тумалли пирки. Мĕн тери куштан вăл, пÿтсĕркке.
Sergey // 3676.92.2528 2014.04.12 08:08
	Маншăн вырăс чĕлхи иккĕмĕш тăван чĕлхе. Мĕн пĕчĕкрен атте-аннепе, ял хушшинче, шкулта чăвашла калаçса ÿснĕ. Пĕчекренех хуларан çулла хăнана килекен ачасемпе, пичче-аппасемпе вырăсла-чавашла калаçса уснĕ.Чăвашла та, вырăсла та калаçатăп, çыратăп, Чавашра пулсан та, Мускавра ĕçленĕ чухне те. Кам та пулин чăвашла калаçма чарнине е айкăн пăхнине асăрхаман (хамăр чăвашсем хамăр чăвашрисĕр пуçне), ытларах эсир мĕнле чĕлхепе калаçатăр тесе кăсăкланаççĕ. Эпĕ икĕ чĕлхе пĕлетĕп, чăвашла тата вырăсла, вĕсем ман чун- чĕрере, пуçра, эпĕ вĕсемпе ĕмĕрлехе пĕрле, çакăнпа эпĕ мăнаçланатăп!!! Сире те çавнех сунатап!
Agabazar // 9413.1.4268 2014.04.12 09:14
	Arayen, итлетĕп-итлетĕп те сире, темĕн, шансах пĕтерейместĕп. Пафос текенни ытлашши нумай. Коммунизм патнелле ăнтăлни çинчен калани çеç çитеймест. Тен, çапах та, пĕлĕтрен çылăхлă çĕр çине анмалла? Çитет пуль халлап çапса?
bor1959 // 1039.8.4424 2014.04.12 09:25
	Никам та чăвашла калаçма чармасть, тĕрĕс çырать Arayen. Пачах урăхла, икĕ чăваш тĕл пулса вырăсла калаçнине илтсен вырăссем вара "Эсир мĕншĕн иккĕн чăвашла калаçмастăр"-тесе ыйтнине илтнĕ,астăватăп.
Agabazar // 9413.1.4268 2014.04.12 09:42
	Юрĕ, кун пирки Пил Тымарланран ыйтса пăхăпăр. Каласа патăр вăл пире хăйне автобусран тата троллейбусран еплерех тыта-тыта ывăтнине.