Reklamo

Анисимова Ольга: Хальхи герой

Анисимова Ольга19.11.2012 20:2251587 Пурĕ пăхнă

Шупашкартан тӑван яла килтӗм - Кӗлӗмкасси ялне. Урамра хитре кирпӗчлӗ ҫурт умӗнче 92-ри Праски аппа ларать, пӗччен. Хӗвел ҫинче хӗртӗнме хам та юнашар пырса лартӑм. Тирпейлӗ тӑхӑннӑ, куҫлӑхсӑр вуласа ларать "Ҫӗнтерӳшӗн" хаҫата.
Мӗн пӗчӗкрен туслӑ эпӗ унпа. Вӑл маншӑн герой - Аслӑ Отечествӑ вӑрҫӑ ветеранӗ. Ялан вӑрҫӑ чухнехи самантсене каласа кӑтартать. "Мӗншӗн вӑрҫа тухса кайма шут тытрӑр хӗр пуҫпа? -ыйтрӑм Праски аппаран. "Тахҫантанпах кӑсӑклантаратчӗ мана ку ыйту.
"Повестка килчӗ те - кайрӑм"- терӗ кулянмасӑр. "Юнашар урамри юлташ хӗр патне те килчӗ, вӑл ури ҫине вӗри чей тӑкнипе юрӑхсӑр пулса каяймарӗ. Те юри тӑкнӑ,те юри мар...Шел пулин те манран нумай пурӑнаймарӗ".
Ҫак сӑмахсем чуна пырса тиврӗҫ. Пуҫра вара пӗр шухӑш ҫаврӑнса тӑчӗ - Темӗн тӗрлӗ самантра паттӑр та хӑюллӑ ҫын яланах хӑюллӑ тытать хӑйне. Хальхи пурнӑҫра ун пек ҫынна тен курман та эсир?

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (136)]

Komentoj:

Игорь Сайман // 1835.41.6544 2012.11.20 19:58
	Ман шутпа, паянхи герой вăл - Эдуард Мочалов. Тата, паллах, унăн шанчăклă юлташĕсем!
Тимер // 5574.4.5423 2012.11.21 16:16
	Чăн-чăн паттăр вăл - Пил Тымарлан.Национальность палăртманшăн Раççей паспортне паянхи кун та илместь.СССР паспорчĕпех почтăра,банкра таçта çÿреть.Чĕлхемĕре ун пек хÿтĕлекенĕ çук.
Владимир // 6702.5.7023 2012.11.21 16:41
	Халăха вăратса тапратса яма çăмăл ( 50% - алкоголиксем, 90% - ĕçсĕр лараççĕ). Малашлăхĕ аçта-ши? Тĕп тĕллев кирлĕ. Шутлас пулать. Çиччĕ виçсе пĕрре кас тенĕ.
Игорь Сайман // 1269.40.9945 2012.11.21 16:53
	461 çул шутлатпăр ĕнтĕ:"Шуккап-шуккап та -маккап..."
Игорь Сайман // 1269.40.9945 2012.11.21 17:02
	Пил Тымарлан пирки илтнĕ эп. Хальхи паспортăн тĕп инкекĕ çапах та нацилехе кăтартманнинче мар. Унта чăвашла çур сăмах та çук -çав начар!
Вихтăр // 1039.8.4424 2012.11.21 19:02
	Тымарлан çинчен илтмелле кăна мар, унпа тĕл пулма тăрăшмалла. Унăн шалти мăнаçлăхĕ темле пусăрăннă çынсенче те шанчăк çуратать. Вот ку шăнăрлă çын!