Antaŭ nelonge en la interreto aperis 500-radika vortaro ĉuvaŝa esperanto. Ĝi estis kreita surbaze de la projekto de la iniciativa grupo Ĥaval. La vortaro fakte entenas 500 plej uzatajn radikojn kun pluraj ekzemploj de vortkonstruo kaj frazoj. Krom tio la vortareto enhavas lerno-apon por memorfiksi frazojn

Kompreneble la vortareto ne pretendas esti plenrajta vortaro pro sia malgranda amplekso sed ĝi vere donas bazajn informojn pri kiel formiĝas vortoj en la ĉuvaŝa lingvo. Do, la vortaro havas antaŭ ĉio instruajn celojn

Jen estas ligo al ĝi: samah.ru

La 15-an de ferbruaro en la Nacia Biblioteko okazos poezia vespero de Grigorij Arosev. Grigorij Arosev estas verkisto kaj ĵurnalisto, eksprezidanto de Rusia Esperantista Unio, eks-ĉefredaktoro de la fako pri montro de eksterlandandaj filmoj ĉe la telekanalo «Kulturo», eksa ĵurnalisto de la teleradiokompamio Deutsche Welle kaj nuna redaktoro de la revuo «Berlin.Berega» (Berlino.Bordoj). Samtempe Grigorij estas malnova amiko de Ĉeboksaro.

Enkadre de la vespero kiu ekos je la 17.00 horo en la salono de la unua etaĝo Grigorij deklamos siajn versojn, iom rakontos pri sia kariero kaj respondos al eventualaj demandoj.

Finfine ankaŭ la ĉuvaŝa aperis en yandex.tradukilo ekde hodiaŭ.

Do ekde nun la tradukilo povas traduki en multajn aliajn lingvojn inkluzive Esperanton.

La bazon por la tradukilo ekfunkciu fari teamo gvide de Nikolaj Plotnikov ĉe tiu ĉi retejo akumulante tekstaron ĉe http://translate.chv.su/. Signifan parton de kontribuo fari etne ĉuvaŝo Aleksandr Antonon kiu nuntempe laboras kiel oficisto de tiu grandega kompanio. Aliaj menciindaj personoj estas: Svetlana Trofimova, Alina Ivanova, Erbina Portnova, Oksana Antonova, Galina Matveeva, Vladislav Nikolaev

шутра — Атӑлҫи тӑрӑхӗнчи халӑхсен чӗлхисене те.

Laŭ la ukazo de Vladimir Putin Oleg Nikolaev fariĝis provizora regionestro. Laŭ la sama dokumento la nuna estro estis maldungita kiel "perdina la kredon".

La prezidento de la Rusia Federacio jam renkontiĝis kun la provizore plenumanta la devojn de estro de la Ĉuvaŝa Respubliko.

Oleg Nikolaev naskiĝis en la vilaĝo Ĉurpaj de la Ĥӗrlӗ Ĉutaj-a (Ruĝa Ĉutao) distrikto de la Ĉuvaŝa Respubliko. Li estis elektita de la partio "Justa Rusio" (Spravedlivaja Rossija) en la Dumao de la VII-a kunvoko. Antaŭ nelonge li estis enpostenigita kiel prezidanto de la komitato pri etnaj aferoj.

la 25-a de aprilo estas la naskiĝtago de la elstara kulturaganto kaj klerigisto de la ĉuvaŝa popolo, kreinto de la moderna skribado Ivan Ja. Jakovlev.

En la jaro 1992 memore al liaj meritoj antaŭ la ĉuvaŝa popolo laŭ la dekreto de la Estraro de la Suprema Konsilio de la Ĉuvaŝa Respubliko estis establita tiu ĉi tago kiel la tago de la ĉuvaŝa lingvo.

La tago de la ĉuvaŝa lingvo ne nur reportas nin al la originoj de la gepatra lingvo sed ankaŭ celas plifortigi la etoson de amikeco, interkompreno kaj subteno. Nia ĉiesa tasko estas gardi la ĉuvaŝan lingvon.

- Mi certas, ke la popolo kiu estimas sian gepatran lingvon kapablas kun estimo trakti lingvojn de aliaj popoloj. Nia respubliko estas la hejmo por pluraj nacioj kaj celhava ŝtata politiko helpas profundan interkomprenon de la kulturoj. La tago de la ĉuvaŝa lingvo fariĝis vera triumfo de amikeco, festo de rekono kaj estimo de la kulturoj de diversaj popoloj! Mi deziras al vi fortan sanon, sukceson en la krea laboro, prosperon, feliĉon kaj amon! - gratulis la loĝantoj la estro de Ĉuvaŝio Miĥail Ignatjev.

En Rusio estas multaj senmerite forgesitaj nomoj de famaj verkistoj kaj literaturaj lokoj. Samtempe estas amaso da ne allogaj lokoj (ĉedomaj teritorioj, dormo-distriktoj..)

Lige al tio en Rusio startis konkurso pri kreo de literaturaj vidindaĵoj. Enkadre de la konkurso "Literatura spuro" ajna homo sendepende de la aĝo, klero kaj loĝloko povas proponi ideon de literatura vidindaĵo, kiu devas aperi sur la mapo de la lando.

La kolektivo de la ĉeboksara biblioteko nome al K.Ivanov enkadre de la jaro de Konstantin Ivanov ellaboris projekton kaj partoprenos en la Tutlanda Konkurso. La celo de la projekto estas kreo de monumento al literaturaj personaĵoj de la poemo de K.Ivanov, nome al Narspi kaj Setner.

Oni planas krei en la betula bosko ĉe la vojkruciĝo de la stratoj Egerskij bulvar kaj avenuo de la Devjatoj pjatiletki fronte al la enirejo al la biblioteko "literaturan benkon" ambauflanke de kiu estos instalitaj figuroj de Setner kaj Narspi.

Oni elektos venkintojn inter la ĝenerala kvanto de partoprenantoj pere de la interret-voĉdonado. La premiado de venkintoj okazos en oktobro de tiu ĉi jaro.

Por lasi sian voĉon oni povas viziti la retejon www.litsled.ru.

Kiel informas la retejo de la Ĉuvaŝa Nacia Kongreso en Sankt-Peterburgo funkcias tre bone la klubo de la ĉuvaŝa lingvo ĉe la Ĉuvaŝa Nacia kultura aŭtonomio.

Membroj de la klubo ĉiun merkredon kunvenas en la Nacia literatura biblioteko. Inter ili estas loĝantaj en Sankt-Peterburgo samnacianoj kaj ties gefiloj, kiuj naskiĝis en la norda ĉefurbo de Rusio.

Antaŭ nelonge en la urbo okazis Lingva Festivalo kaj en la halo kun pli ol 450 personoj sonis la ĉuvaŝa lingvo. En la Festivalo la ĉuvaŝan lingvon prezentis Ekaterina Danilova.

Dum la prezento oni rimarkis la originalecon de la ĉuvaŝa lingvo, malsama al ĉiuj aliaj tjurkaj lingvoj, oni aŭskultis kiel sonis ĉuvaŝa kanto, oni komparis la ĉuvaŝan kun aliaj tjurkaj lingvoj, ne mankis ankaŭ la demandoj pri la hodiaŭa stato de la ĉuvaŝa brodaĵo.

— Por respondi al la demandoj ne sufiĉis unu horo liverita por la prezento, — diras kontenta Ekaterina.

En la interreto oni povas uzi liberan monon kies nomo estas tjurkkojn. Oni povas konsideri ĝin kiel mono funkcianta laŭ la principoj ellaboritaj far Silvio Gesell. La mono ĉiun 28an tagon senvaloriĝas je 2% (kaj nur la kurantaj kontoj), kio fakte puŝas pli rapidi ŝanĝi ĝin je interesata varo.

En la retpaĝo de Tjurkkojn estas prezentitaj ankaŭ bonaj ecoj de la nova valuto: transaktaĵoj pasas rapide, oni povas registri konto sen indiko de la nomo de la reggistranto, kurantan kaj ŝparan konton oni faras senpage, ĝi estas ankaŭ libera por API-laborantoj. Pli detale oni povas legi en la rubriko «Demando - respondo» de la retejo.

Cetere la retejo de Tjurkkojn estas tradukita en plurajn tjurkajn lingvojn kaj plej baldaŭ devas aperi versio en la ĉuvaŝa lingvo.

Fakte oni povas koverti tjurkkojnojn en aliajn monsistemojn, same kiel alian elektronan monon (bitkojn, yandex-monujojn ks oni povas ŝanĝi en tjurkkojnojn.

Klubo "Juna poligloto" estas kreita ĉe la lernejo de fremdaj lingvoj "Lingvoj por Sukceso". La celo de la klubo ebligi al la gepatroj eduki al siaj infanoj la ĉuvaŝan lingvon kaj lernigi la anglan lingvon. La klubo kunvenas regule ĉiun sabaton ĉe la adreso: pr. Lenina 7, la 3a etaĝo. La klubon iniciatis ĉuvaŝa socia organizo "Ĥaval".

Karaj geamikoj! Ni rememoru la plej belajn erojn de la pasinta jaro, ĉiujn amatajn de ni homojn kaj pensante pri la plej revoj ni marŝu en la jaro 2015.