Eniri | Registriĝo | Сайта кӗрсен унпа туллин усӑ курма пулӗ
 +5.0 °C
 

Reklamo

Валерий Алексин: Пӗр роман — икӗ тӗрлӗ хак

Валерий Алексин06.05.2019 12:177630 Пурĕ пăхнă

«Сувар» хаҫат ҫумӗнчи литпӗрлешӳ ертӳҫи Евгений Турхан «Сувар» хаҫатра «Пӗр роман — икӗ типографире» рецензи пичетлесе кӑларчӗ. Унта Николай Сорокинӑн «Тӑлӑх арӑм минтерӗ» романӗ пирки сӑмах пуҫарнӑ. «Чӑваш халӑх сайтӗнче» пичетленнӗ «Ҫакӑ-и илемлӗ литература?» статьяпа танлаштарсан асӑннӑ кӗнекене пачах урӑх хак панӑ.

«Ҫак кунсенче Шупашкарти икӗ типографире – Чӑваш кӗнеке издательствинче тата «Ҫӗнӗ вӑхӑтра» – пӗр харӑс Николай Сорокинӑн «Тӑлӑх арӑм минтерӗ» ятлӑ «савнисен романне» пичетлесе кӑларчӗҫ. 1000-шер экземплярпа. Халӗ вырӑсла вариантне пичете пама хатӗрлеҫҫӗ. Хусанта пурӑнакан ҫыравҫа пысӑк хак параҫҫӗ».

Тӳрех каласа хӑварар: Чӑваш кӗнеке издательстви типографи мар, пичете хатӗрленӗ кӗнекесене вӑл тӗрлӗ типографине парса пичетлет. Ҫакна Евгений Турхан хӑйӗн «Каганлӑх тӗпренчӗкӗ» кӗнекине уҫса пӑхсан та пӗлме пултарнӑ. Роман тухнӑ кӑна-ха, вулакансен аллине те лекеймен, апла пулин те ӑна пысӑк хак параҫҫӗ иккен. Камсем-ши?

Рецензи авторӗн Евгений Турханӑн хакӗ вара акӑ мӗнле: «Нобель премийӗн лауреачӗн Михаил Шолоховӑн «Лӑпкӑ Дон» романӗнчен пӗрре те кая мар «Тӑлӑх арӑм минтерӗ»: Григорий Мелехов, вӑрҫӑпа юмӑлнӑскер (?), винтовкипе пулльисене (патронӗсене мар-ши? — В.А.) шыва пӑрахса путарать. Кирлӗ мар вӑрҫӑ! Ваҫиле сӑмахӗсем, вӑрҫа хирӗҫ пуҫарса янӑ ӗҫсем тата мӑнаҫлӑрах, сулмаклӑрах. Тӗрӗссипе каласан, Николай Сорокинӑн романӗ хӑй те Шолохов романӗнчен кая мар, вырӑнӗ-вырӑнӗпе вӑйлӑрах та пулӗ».

Акӑ епле иккен. Эппин, кӗҫех Хусан кӑна мар, тӗнче кӗрлесе каять. Шолохов шайӗнче ҫырнӑ роман кашни ҫулах тухмасть. Ҫӗршывра анчах мар, тӗнчере те. Чӑваш литературинче ун пекки пулманччӗ-ха. Апла автора «Чӑваш халӑх писателӗ» хисеплӗ ят кӑна мар, тата та чаплӑрах премисем парса тултарӗҫ. Кӗтсе пӑхар-ха.

«Чӑваш халӑх сайтӗнче» ҫакна пӗр автор «объективлӑха ҫухатнӑ графомансен сӑмахӗ» тесе палӑртнӑччӗ. Питӗ тӗрӗс каланӑ пек туйӑнать. Анчах эпир Турхана, тен, ӑнланса ҫитереймен? Тен, вӑл автортан тӑрӑхламалли аван меслет шутласа тупнӑ? Мухтама мухтать пек, анчах ӑшӗнче ахӑлтатсах кулать. Е пиар тӑвап тесе юриех суя хыпар сарать? Хайхи «фейковые новости» текенни пирки шавлаҫҫӗ-ҫке, ҫак ҫулпа ма каяс мар?

Николай Сорокин хӑй романне «Савнисен романӗ» тесе палӑртнӑ. Пур-ха ун пек жанр, анчах ку кӗнеке пачах урӑх ҫулпа чупать, чат юратуран тӑракан хайлав мар вӑл.

Шел пулин те, йӗркеллӗ аргумент тупса хӳтӗлеме пултарайман рецензент эпир «хурланӑ» романа. Виҫесӗр хӑпартланса ҫырни вара туллиех. Каллех авторӑн (Турханӑн) чӗлхи пирки калама тивет. Тӑван Ҫӗршывшӑн пынӑ Аслӑ Вӑрҫа вӑл «Раҫҫейӗн Аслӑ вӑрҫи» тесе палӑртать. Тӗп героя, Ваҫилене, Сталина хирӗҫ кайма хӑват ҫитернӗ хӗрарӑма, вӑл «ял тӗнчин чури» тесе хаклать. Тепӗртакран «ҫутҫанталӑкӑн уйрӑлми пайӗ» туса хурать. Унтан Рахметов евӗрлӗ ниҫта курман тип пулса тӑрать вӑл: «кашкӑрсем те, шартлама сивӗ те, выҫлӑх та нимӗн те мар уншӑн...»

«Сувар» хаҫата вуланӑ май ҫапла шухӑш та пырса кӗрет: вуланӑ-ши Турхан Сорокин романне? Вуланах пулсан мӗншӗн капла хаклать? Тен, уҫкаласа тухнӑ та рецензи мар, мухтав юрри ҫырса пӑрахнӑ? Анчах кӗнекене В. Александровӑпа пӗрле вырӑсларан вӑл куҫарнӑ-ҫке. Ҫакӑн пекки те пулать иккен пурнӑҫра: вуласса — вуламан, анчах куҫарнӑ.

Хаҫат сотрудникӗсен тимсӗрлӗхӗ пирки те каласа хӑвармалла: «тутлӑ ӗмӗтсем» («сладкие мечты» фразеологи ҫумне ҫыпӑҫса ларнӑ ӗнтӗ куҫараканӑн чӗлхи), «йывӑр вӑхӑтри йывӑрлӑхсене», «манӑн ҫӑвара хупаймӑр» (хуплаймӑр), «...ытарайми сӑнар Ваҫиле пуҫӗнче (асӗнче) роман тӑршшӗпех иртет» тата ытти шӑйрӑксене асӑрхаманни хаҫат шайӗ пирки шутлаттарать.

 

Komentoj:

2019-07-14 11:49
Ятарласа "Вот б..." валли

Эх,мăнтарăн! Ты мне ещё скажи, что православие возникло задолго до Бога. Православие пришло из Византии и то не совсе м, как православие, а как христианство. Далее были староверы и прочие течения. А вообще эти отделения на католицизм, православие суть одного явления: желание набить карманы на наивности прихожан. Достаточно сегодня посмотреть на площадь перед церквями, где стоят машины батюшек, чтобы сделать выводы. Что христианства, как самого течения, оно возникло при пришествии Иисуса Христа в мир людей, но только не он ли сказал: мир стал ненавидеть задолго до вас?!
Если не соображаешь в вопросе того или иного склада, не надо приплетать архетипическую и прочую ерунду. Люди не настолько тупы, как ты хочешь это показать.
Что до моей книги, так у меня на сегодняшний день уже есть ль заказов на бумажный вариант и в этом плане сидящие здесь словоблуды, мне ни к коей мере не критики и не поклонники. Вы все здесь, кроме как обсуждать и чернить чьё-либо произведение, на большее не способны. Как тот же Убасси раскопал в Нарспи Навруз, глядишь и Курбан-байрам и Уразу. В то время, как Волжскую Булгарию вы давно потеряли и не видать вам своих ушей!!!
2019-07-14 11:51
Валерий Алексин, хăвăн мĕскер пур çырни?
Алексин // 2366.08.9008
2019-07-14 20:28
Эсир Сорокин романне тытса пӑхӑр малтан.Вара кам тӗрӗссине хӑвӑрах курма пултаратӑр. Кнекене вуламасӑр хаклама май ҫук. Сорокин "Новое время" издательствора редакцилемесӗр кӑларнӑ кӑларӑмра вулакансене урӑх ӗмӗрне те илемлӗ литература кӗнеки тытса ан пӑхӑр текен шухӑш патне илсе пырать. Ҫана халӑха ӑнлантарса пама тӑрӑшнинче ним начарри те ҫук. Вулакансем кӗнекерен писсе пылаҫҫӗ, кунта ҫыракансен (кенеке кӑларакансен) айӑпӗ те пур.
Ман биографине, пит кирлӗ пулсан, Чӑваш энциклопединче пӑхӑр.
2019-07-14 20:54
Апла тесен телевизорта та кунсерен çука пур туса халăха пуçне çавăраççĕ, анчах та телевиденирен никам та писни çук. Тата вырăсла мĕншĕн вуламаççĕ? Е кунта та чăваш çыравçисем ăйплă-ши? Пит те айван шухăш. Швейцари патшалăхĕнче сотовăйсем, интернет пирĕннинчен тахçан малтан пулнă пулсан та, вĕсем паянхи кунта çыру çÿретеççĕ, пирĕн вара çыру тенĕ япала тахçанах вилчĕ.
2019-07-14 20:58
Энциклопеди тесен, Крупская биографине тĕрлĕ энциклопедире тĕрлĕрен çыраççĕ, паянхи деятельсем хушшинче аванах çавнашкаллисем, хут тÿсет
Алексин // 2366.08.9008
2019-07-14 21:26
Шухӑшсем интереслӗ. Крупская пирки сасартӑк аса илниех мӗне тӑрать! Телевиденипе кӗнекене пӗр шайра хаклани те ку ача слонран та пысӑкрах дилетант мар-ши тесе шутлаттарать. Халӑх мӗншӗн вуламасть, тюлень пек Соловьев-Скабеевӑсене пӑхса выртать, Крымшӑн сӑвӑнать? Ыйтусем татах нумай, анчах айванлӑх айне пулнисене ӑнлантарса ҫитереймӗн.
2019-07-15 06:11
Алексин, тен эпĕ дилетант, анчах та сирĕн евĕр çуравтравв пирĕн тесе халăх хушшинче кăшкăрашса кунта сайт çинче кутăнла çырмастăп. Эсир ăна укçа тесе темĕне те савăнма хатĕр, укçине çеç паччăр, упа ташшине вара ташлама хуть хăçан та хатĕр, приказ кăна пултăр. Телевидени Гитлерăн Германийĕнче аванах çывхартнă халăха пуçлăх патне. Кĕнеке мар, телевидени!!! Витлешсе ларма кирлĕ мар, енчен те политтехнологисенче нимĕн те тавçăрмастăн пулсан, санăн диплома пĕр вырăна кăна шăлма пулать. "Университетский диплом ещё не гарантия воспитанности ума и образованности" А. Дубяго, профессор Российской империи, астроном.
Агапăсар // 2291.81.1801
2019-07-15 07:24
Агапăсар
Плотников тем пек аgabazara хÿтĕлесен те, вăл-agabazar, çавах нĕрсĕр шăшлă кутах пулса юлать.
Алексин // 3422.28.0861
2019-07-15 10:31
Тӗрӗс сӑмахсемех калать пӗр ача, Аскольд ят хыҫне пытанса витлекенни: чӑнах та, политтехнологире нимех те чухламастӑп, хаҫат-журналта, телевиденипе радора, кинора 40 ҫул ӗҫленӗ пулин те.
Эп сан дипломна хисеплетӗп, Аскольд, ахаль паман ӗнтӗ ӑна. Мӗнле специальность тесе ҫырнӑ-ши унта? Хӑҫан пӗтернӗ? Ҫакна пӗлесчӗ.
Н.М-ч. // 6026.7.7944
2019-07-15 10:47
Алексин "Эп камне пит пĕлес тесен энциклопедие пăх" тени Александр Артемьевăн "Салампийĕнчи" "Кĕрхи шăнасем" вĕçкĕнленсе "Ялав" журналăн 8-мĕш номерне пăх" тени пекех пулчĕ.Мĕн тăвайăн ĕнтĕ, чăвашра çынна конкретлă тунă ĕç тăрăх мар, хут çинче çырнă тăрăх, пиар тăрăх хак хураç.Çавăнпа пурте "8-мĕш номере пăх", энциклопедие пăх" теççĕ тÿрех.

Paĝoj: 1, 2, 3, [4], 5, 6, 7, 8, 9, ... 17

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru