Eniri | Registriĝo | Сайта кӗрсен унпа туллин усӑ курма пулӗ
 +2.3 °C
 

Reklamo

Софья Савнеш: Шупашкарти чӑрӑшран хаклӑраххи пур-и?

Софья Савнеш11.12.2016 21:473302 Пурĕ пăхнă

Ҫӗнӗ ҫул… Асамлӑ вӑхӑт. Шупашкар урамӗсем каҫсерен тӗрлӗ тӗспе ҫуталса куҫа йӑмӑхтараҫҫӗ. Чылай урамра чӑшӑр лартнӑ. Тӗп чӑрӑш – Республика тӳремӗнче. Аякаран пӑхсан, тен, хӑшӗ-пӗри елка теме те хӑяймӗ, конус пек ларать.

Кӑмӑла каять-и е ҫук-и вӑл – хакӗ вара ай-яй ҫыртать. Халӑх фрончӗн хастарӗсем шутланӑ та — унӑн кашни метрӗ 264 пин тенке кайса ларнӑ. Чӑрӑш 25 метр ҫӳллӗш. Ӑна вырнаҫтармашкӑн хула хыснинчен 6,6 миллион тенкӗ тӑкакланнӑ.

Пӗлтӗр РЕН-ТВ телеканал Раҫҫейри чи хаклӑ чӑрӑшсем пирки сюжет кӑтартнӑ. Камера тӗлне пирӗн чаплӑ чӑрӑш та лекнӗ. «Регионсенчи чиновниксем хӑйне евӗр тупӑшу йӗркеленӗ: Ҫӗнӗ ҫул чӑрӑшӗ хаклӑрах? Арифметика интереслӗ пулса тухнӑ. Пасарти хака илес пулсан, 1 метр чӑрӑша теттисемпе пӗрле лартмашкӑн 120 пин тенке яхӑн кирлӗ.

Мускавра, тӗслӗхрен, 1 метршӑн 208 пин тенкӗ тӳленӗ. Шупашкарта вара – 264 пин тенкӗ. Иркутск облаҫӗнчи Братск хулинчи чӑрӑш вара рекорд лартнӑ – 26 пин тенкӗ. Ҫапла майпа чиновниксен хысна укҫипе тунӑ харпӑр дизайнӗ пасар хакӗнчен 2 хут хаклӑрах пулса тухнӑ», — тенӗ сюжетра.

Раҫҫейри тӗп чӑрӑша вара кашни ҫулах Мускав ҫывӑхӗнчи вӑрмантан касса килеҫҫӗ. Ӑна ятарласа суйлаҫҫӗ. Тӗслӗхрен, космосран тунӑ сӑнӳкерчӗке сӑнаҫҫӗ. Кӑҫал Собор лапамне 120 ҫул ӳснӗ, 30 метр ҫӳллӗш чӑрӑша илсе килнӗ. Ӑна кантӑк теттесемпе илемлетнӗ. Ытти вырӑнта, ҫав шутра Хӗрлӗ тӳремре те, искусственнӑй чӑрӑшсем лартаҫҫӗ.

Тӗнчери чи хаклӑ елка вара — Араб Эмиратӗнче. Вӑл 11 миллион доллар тӑрать. Ӑна 2010 ҫулта лартнӑ. Тӗрӗссипе, хӑй чӑрӑшӗ хаклӑ ларман. Ӑна илемлетмелли теттесемшӗн самай тӑкакланма тивнӗ. Теттесене хаклӑ йышши чулсенчен, ҫав шутра — ылтӑн, кевер, хатӗрленӗ. Тураттисенчен сехетсем, сулӑсем, мӑй ҫаккисем те ҫакнӑ.

Парижри чӑрӑш вара «тумӗпе» илӗртет. Ӑна универмагра лартнӑ. Чӑрӑш ҫине ҫакнӑ теттесем — хаклӑ йышшисем.

 
Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru