Reklamo

: ЧӐВАША ВӖРЕННӖ ҪЫНСЕМ ПӖТЕРЕҪҪӖ!!!

27.02.2011 23:2363990 Пурĕ пăхнă

Ҫамрӑк чухне те мана ҫак ыйту канӑҫ паман: мӗншӗн ЭПИР, ХАМӐРА ХИСЕПЛЕКЕН МАТТУР ЧӐВАШСЕМ , вырӑсланса пыратпӑр??? Тен, эсир пӗлетӗр? Камран кӑна ыйтмарӑм, кампа кӑна кун пирки канашламарӑм, анчах та хуравӗ ҫук темелле. Ҫак ыйту ҫине хурав тупаймасан тӑван халӑхӑмӑрӑн пуласлӑхӗ пирки калаҫма йывӑр. Пирӗн халӑх ЧИРЛӖ. Чире юсама тӗрӗс диагноз лартас пулать. Унсӑррӑн сыватма хӗн. Хӑвӑрӑн шухӑшӑрсене ҫырӑр тархасшӑн. Тавлашура чӑнлӑх ҫуралать.

Ман шутпа, пӗтӗм айӑп – вӗреннӗ ҫынсенче. Вӗсем тӑрӑшнипе эпир пӗтетпӗр. Хамӑн шухӑша ҫирӗплетме историрен темиҫе тӗслӗх те илсе пама пултаратӑп: вырӑссем французланни, пуҫлӑхсем ашшӗ-амӑш тӗнне манса ют религие халӑх хушшинче сарни…

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (188)]

Komentoj:

Аксар Чунтупай // 7635.0.2677 2011.03.17 20:11
	Çемьери лару-тăру яланах обществăри лару-тăрупа çыхăннă. Общество мĕнле - çемье те çавăн пек. Обществăна чăваш чĕлхи кирлĕ мар пулсан - çемьене вăл мĕн тума кирлĕ?
Аксар Чунтупай // 7635.0.2677 2011.03.17 20:15
	Идеологи вара кашни çын ăç-тăнне витет, унăн шалти тата авалхи сис-туйăмĕсене, кăмăл туртăмĕсене вăратать, чун-чĕре тата нацилĕх уйрăмлăхĕн аталану çул-йĕрне шыраса тупма пулăшать... Халĕ эпир, чăвашсем, глобализаци авăрĕн хĕрринче тăратпăр. Вăл пире (çăвар карса тăрсан) туххăм çăтса ярать.
Аксар Чунтупай // 7635.0.2677 2011.03.17 20:16
	*Туххăм - питĕ хăвăрт
Аксар Чунтупай // 7635.0.2677 2011.03.17 21:03
	"СУВАР" ,Çеçпĕл,ЧОКЦ,Еткер фондсене пурте ĕçпе пĕлеççĕ тенине хуравлатăп. Уйрăм организаци чăвашлăха нимĕнле те çĕклеймĕ. Кунта пĕр 100 çын пур пуль те... Ертÿçисем те хăйсен ятне-шывне çухатасран тенĕ пек çынсем лараççĕ пек туйăнать. Пырса калаç-ха вĕсемпе! Мĕнлерех каçăртаççĕ хăйсен мăн кăмăлне... Пĕтĕм халăха çĕклеме наци юхăмĕ кирлĕ! Халăха ертсе пыма халăх шанакан çынсем кирлĕ...
Аксар Чунтупай // 7635.0.2677 2011.03.17 21:04
	Е ун йышши организацисем пин-пин кирлĕ. Вара, тен, вĕсене пĕр юхăма пĕрлештерме пулĕ. Вăйли çĕнтерет тенĕ пек.
Аксар Чунтупай // 7635.0.2677 2011.03.17 21:05
	Акă вăл наци юхăмĕн идеологийĕн пĕр пайĕ. Анчах идеологие пурнăçа кĕртме вĕреннĕ çынсем çеç пултараççĕ. Вĕреннĕ çынсене вăрçни çăпата шайне анса ларниех!
Аксар Чунтупай // 7635.0.2677 2011.03.17 21:06
	shanchak сăмахĕсем чăн сăмахсем, шел пулин те...
Atner // 8568.8.6851 2011.03.17 22:28
	Аксар Чунтупайпа килĕшетпĕр Наци юхăмĕ халĕ çукпа пĕрех. Халăх шанать тÿрĕ çулпа-чăвашлăх çулĕпе пыракансене..
Atner // 8568.8.6851 2011.03.17 22:31
	Общество çемьесенчен тăрать.Семья является ячейкой общества.Ку вăл-аксиома.
Atner // 8568.8.6851 2011.03.17 22:35
	Чи малтан çемьере хисеплеме вĕрентмелле тăван чĕлхене.Кайран ача пахчи,шкул.