Reklamo

Леонид Сильвестров: Михаил Игнатьева асӑнса

Леонид Сильвестров21.06.2020 00:579689 Пурĕ пăхнă

Самант тӗксӗмленчӗ

Мӗн пур Чӑвашра:

Хӗвел саншӑн сӳнчӗ,

Чуну — уҫлӑхра.

Нумай эс хӑвартӑн

Кунти пурнӑҫра.

Хӑв халӑхшӑн ҫунтӑн,

Утса тӑвалла.

Шӳте ӑнланмарӗҫ

Хӑш-пӗр юлташсем,

Пит хыт айӑпларӗҫ —

Ӑҫта чунӗсем?

Тепри, ҫаратсан та,

Лармасть тӗрмере.

Ун пурнӑҫӗ янтӑ —

Пулсан кӗсьере.

Анчах Турӑ куҫлӑ,

Йӑлтах Вӑл курать.

Парсассӑн та пурлӑх

Вӑрра каҫармасть.

Пӗр саншӑн Вӑл уҫӗ

Ҫӑтмах алӑкне,

Сана валли тупӗ

Чи ыр сӑмахне.

Манмасть тӑван халӑх

Ятна нихӑҫан.

Ӗҫӳ — чӗрӗ палӑк.

Апла эс пурнан!

Леонид Сильвестров

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (20)]

Çавăн пекех

2024.09.11

Открытое письмо / Уҫӑ ҫыру

Виталий Станьял

2024.08.20

В Чебоксарах состоялся творческий отчет председателя Канаша (Совета) чувашей Башкирии

Тимӗр Акташ

2024.06.19

О коррупции

Анатолий Кипеч

Komentoj:

Микула // 9259.3.8429 2020.06.22 18:09
	Игнатьев М.В асра юлтӑр тесе Шупашкарти урам ятне парс пирки ыйту тӑратмалла. Кам пултарать, ун пирки чӗнсе ҫырас пулать. Палӑкӗ пирки те шутламалла.
Agabazar // 8712.8.9549 2020.06.22 19:39
	Тăрат ыйтăвне. Кам чарать сана? Палăкĕ пирки те шутла çĕрĕн-кунĕн. Яра пар.
Тимер // 3587.22.5697 2020.06.23 07:10
	Палӑк лартасси ҫӑмӑл ӗҫ мар.Вӑн пӗри каласа янӑ тавай Крымра вӑрçăпа çыхăннă сумлă палăк лартатпăр тесе,паянхи кун та пур ҫук укҫана халӑхран пухатпӑр.Лешӗ вара шӑпӑрт ларать.Окҫа ҫок.
Agabazar // 4059.80.8917 2020.06.23 14:44
	Палăк лартасси çав тери çăмăл. Кирлех пулсан çав тери хăвăрт лартаççĕ. Сиссе те юлаймастăн!
Варык // 1726.84.3785 2020.06.23 15:56
	Хаяр Йӑван па ясар Кӗтерне палӑкӗ пирки калать пулас Акапасар тете.
Agabazar // 8958.2.2239 2020.06.23 16:04
	Палăк лартасси пăрçа миххисене йăтăрласси мар вăл.
Суранов // 4247.11.6268 2020.06.24 19:52
	"Пĕрлĕхлĕ Раççей" партин регион организацийĕн ĕнерхи ХХХ (!) конференцийĕнче Михаил Игнатьева асăнса пĕр самант чĕнмесĕр те тăма та ăс çитермен. Чăваш кĕнеке издательствин автономи çĕр çулне халалланă кĕнекинче те ун валли тивĕçлĕ вырăн тупăнман. Тĕрĕс асăрханă Геннадий Айхи: ытла та вĕтĕ çынсем пирĕн тăрăхра.
Херарам // 1296.33.7834 2020.06.24 21:10
	<h1></h1>Ана пула аса ессер сурет. Хайне манна хуче.
Agabazar // 7929.3.9557 2020.06.25 11:32
	Кам вара сире кунта çак япалана çырса хума хушрĕ?
Agabazar // 7929.3.9557 2020.06.25 11:32
	Суранов, хăвăн вĕтĕлĕхне ыттисем çине ан яр. Халлĕхе кунта эпĕ санăн вĕтĕлĕхне çеç куратăп.