Eniri | Registriĝo | Сайта кӗрсен унпа туллин усӑ курма пулӗ
 +6.3 °C
 

Reklamo

Софья Савнеш: Мультфильм ачана сиен кӳрет-и?

Софья Савнеш29.10.2016 19:254312 Пурĕ пăхнă

Чылай ача телевизор умӗнче нумай вӑхӑт ирттерет. Тепӗр тесен, ку ашшӗ-амӑшӗшӗн меллӗ: ача ан чӑрмантартӑр тесе телевизор ярса параҫҫӗ те хӑйсен ӗҫӗпе аппаланаҫҫӗ. Анчах ку пӗчӗкскерӗн психикине витӗм кӳни пирки шухӑшламаҫҫӗ.

Аслисем мультфильмсем ачашӑн сиенлӗ пулни пирки пачах пӗлмеҫҫӗ теме ҫук. Анчах ку мӗн тери хӑрушӑ пулнине специалистсем ҫеҫ лайӑх чухлаҫҫӗ. Ачасем картинка юратаҫҫӗ, ҫавӑнпа кирек мӗнле мультика та вӗсем хаваспах пӑхаҫҫӗ. Чӑннипе, шӑпӑрлан ун чухне канмасть, унӑн пуҫ мими вӑйлӑ ӗҫлет. Психологсем каланӑ тӑрӑх, тӗслӗ картинкӑсем хӑвӑрт ылмашӑнни шӑпӑрлана сиен кӳрет. Вӗсем 3 ҫул тултарман ачасене хура-шурӑллӑ мультфильмсем кӑтартма сӗнеҫҫӗ.

Эпир пӗчӗк чухне Совет Союзӗнче кӑларнӑ мультфильмсене пӑхма кӑмӑллаттӑмӑр. Ун чухне вӗсене кунне пӗр-икӗ хутчен кӑтартатчӗҫ. Халӗ вара мӗн чухлӗ пӑхас килет – тархасшӑн. АПШра кӑларнӑ мультфильмсем анлӑ сарӑлнӑ. Раҫҫейри психологсем сӑнав тунӑ: ют ҫӗршывра кӑларнӑ мультиксем чӑнах та сиен кӳреҫҫӗ-и? Вӗсем «Шрек», «Алладин», «Красавица и Чудовище», «Гуффи и друзья», «Дональд Дак», «Дятел Вуди», «Золушка» тата ыттине пӑхнӑ. Пӗтӗмлетӗвӗ лӑплантармасть: вӗсенчен чылайӑшӗ амӑшӗн туйӑмне урӑхларах ҫутатса параҫҫӗ. Ҫак мультиксем ҫемье ҫавӑрас, ӑрӑва тӑсас туйӑма хирӗҫлеҫҫӗ. Америка мультфильмӗсенчи чиперккесем хӑйсене хӗр пек тытмаҫҫӗ: ҫапӑҫаҫҫӗ, арҫын ӗҫне ним мар тӑваҫҫӗ, хӑйсен вӑйне кӑтартаҫҫӗ. Ҫавна пула ачасене хӗрарӑмӑн тата арҫыннӑн мӗнле пулмаллине тӗрӗс мар ӑнланаҫҫӗ.

Хӗвеланӑҫ мультфильмӗсенче ачасен умне пурнӑҫ урӑхла тухса тӑрать: вӑл вӑйӑ пек. Ҫавӑнпа шӑпӑрлансем ӳссен яваплӑх мӗнне пӗлмеҫҫӗ, йывӑрлӑхсен умӗнче ҫухалса каяҫҫӗ. Мультфильмсем ачасене сиен кӳнине тӗпченӗ психологсем акӑ мӗн тӗпчесе пӗлнӗ: АПШра вӗсемпе ача ҫураласлӑхне пӗчӗклетес тесе усӑ курнӑ.

Апла пулсан мӗнле асӑрханмалла? Аслисен мультфильмӑн содержанине пӗлмелле. Енчен те ашшӗ-амӑшӗ мультфильма пӗрле пӑхсан кирек мӗнле сиенлӗ мультфильм та ачашӑн япӑх пулмӗ. Вӗсем мӗнле хаклани шӑпӑрлана йӑлтах ӑнланма пулӑшать. Амӑшӗн ачине мӗне те пулин вӗрентекен мультфильм кӑтартмалла. Тӗслӗхрен, «Трое из Простоквашино», «Ну, погоди!», «38 попугаев», «Поросёнок Фунтик», «Мама для мамонтёнка», «Чебурашка». Хальхи мультиксен йышӗнче те лайӑххисем пур: «Лунтик», «Уроки тётушки Совы», «Фиксики», «Барбоскины». Анчах яланах асра тытмалла: ача ашшӗ-амӑшӗпе хутшӑннинчен пахи нимӗн те ҫук.

 
Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ
Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.
 

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)

Orphus

Ытти чĕлхесем

Reklamafiŝoj

Kalkuloj