Eniri | Registriĝo | Сайта кӗрсен унпа туллин усӑ курма пулӗ
 +21.0 °C
 

Reklamo

Софья Савнеш: Тĕнчери хăйне евĕр çынсем

Софья Савнеш22.01.2015 17:323541 Пурĕ пăхнă

Çын мĕн тума пултарать? Хăш-пĕр япалана медиксем те, тĕпчевçĕсем те ăнлантарса параймаççĕ. Тĕлĕнмелле япаласем тума пултаракан çынсем пирĕн хушăмăртах пурăнаççĕ. Тĕнчере нумай вĕсем.

Эрешмен çын Джози Рэй Индире пурăнать. Вăл вертикаль сийпе куçса çÿреме пултарать. Джози çакна ача чухнех сиснĕ. Каярах вăл хăйĕн «пултарулăхне» аталантарма тăрăшнă, кунĕпе тренировкăсем ирттернĕ. Вăл скалолаз евĕр мар. Алли-ури ирĕклĕн хускалать.

Джулиано Строэ – тĕнчери чи вăйлă ача. 5 çулти арçын ача 20 отжимани тума пултарать. Анчах çынсене ку тĕлĕнтермен. Ачана телекураври кăларăма чĕннĕ. Вăл унта алă çинче 10 минут утса çÿренĕ. Ку кăна мар – чĕркуççи хушшине йывăр мечĕк хĕстернĕ.

Аслă Британири Стивен Уилтшерăн ăсĕ çивĕч. Вăл пысăк хуласен панорамине пĕрре курса ас туса юлать. Унтан вăл ăна хут çине çăмăллăн куçарать. Пĕр япалана та пăрахса хăвармасть: клумба, йывăç, сак… Ăсчахсем унăн организмне тĕпченĕ. Аутизма чирлекен çыннăн пуç мимин ĕç-хĕлĕ йĕркерен тухать. Çавна май унăн кунашкал пултарулăх аталаннă-мĕн. Стивен сахал пĕлекен çынсемпе хутшăнаймасть. Ача чухне вăл пачах калаçман, мĕн те пулин кирлĕ тĕк ÿкерсе кăтартнă.

Юлия Воробьева çынсене витĕр курать. Ăна ток çапсан вăл вилни пирки пĕлтернĕ. Анчах вăл моргра тăна кĕнĕ. Темиçе уйăх пульницăра выртнă. Кун хыççăн вăл çынсем çине унчченхи пек пăхма пултарайманнине асăрханă. Ара, вăл шалти органсене курма пуçланă-çке-ха. Унăн пулăшăвĕпе чылай çын усă курнă. Анчах хăйĕн шăлне сиплеймест, мĕншĕн тесен ăна наркоз илеймест.

Китай çынни Ма Цянь-Гань электричествăран хăрамасть. Вăл ăна ытти çынсенчен 8 хут сахалрах туять. Вăл çара пралука та тытма пултарать. Ыратнине туймасть, пачах тепĕр май – вăй-халпа тивĕçет çеç. Медиксем кун вăрттăнлăхĕ мĕнре пулнине пĕлеймен. Арçын сып-сывах.

Дин Карназес вăрăм дистанцие чупса ывăнмасть. Унăн марафонĕ Америкăра 50 куна тăсăлнă. Çак кунсенче вăл кашни штатра марафон дистанцине чупнă. Пĕр сăмахпа – кашни кун 42 çухрăм ытла. Ку юн тытăмĕнче юн нумайланнипе, мышцăсене упракан гормонпа çыхăннă.

 

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru