Reklamo

Agabazar: АПТРАМАНИСТАН

Agabazar23.12.2013 18:3324712 Пурĕ пăхнă

АПТРАМАНИСТАН

гимн

Хӗвел пӑхать, ҫиҫсе вылять шевле,

Вӗрет сипетлӗ варкӑш каҫӑн-ирӗн;

Канашласа кашлать парка вӑрман,

Уй-хир сасси кӗрет кашни киле.

Ӑҫта-ши ку тавралӑх? — Ку вӑл — пирӗн

Чӑваш ҫӗршывӗ, Аптраманистан!

Тӳсӗмлӗхпе тӗлӗнтерен чӗлхен

Витӗмлӗхне кунта куллен туятпӑр.

Хӑвачӗ унӑн иксӗлмӗ нихҫан!

Эпир ӗмӗртенпе, ӗмӗрлӗхе

Ҫак аслӑ Атӑл тӑршшӗнче пурнатпӑр.

Чӑваш ҫӗршывӗ — Аптраманистан!

Килет пулин те терт ҫине нуша,

Малашлӑхӗ тивлетлӗ тӗп чӑвашӑн:

Нихҫан та пирӗн халах аптраман.

Поэтӑн пиллӗхне хывса ӑша,

Эпир ахальтен мар ҫапла каласшӑн:

Чӑваш ҫӗршывӗ — Аптраманистан!

Эс пирӗн шанчӑк, пирӗн ӑраскал,

Нихҫан асран кайми чӑваш ҫӗршывӗ.

Тӗреклӗ ларнӑ эсӗ авалтан,

Паян пире куллен паран вӑй-хал,

Чун-чӗрене аннемӗр евӗр ҫывӑх

Чӑваш ҫӗршывӗ, Аптраманистан!

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (81)]

Komentoj:

bor1959 // 1039.8.4424 2013.12.27 10:17
	ТАкасапара:Текст на чувашском языке: Çурхи тěнче вăраннă чух: Хаваслă кун шăраннă чух, Чун савăнать: чěре сикет, Çěршывăм çинчен юрлас килет
bor1959 // 1039.8.4424 2013.12.27 10:23
	Яшсем-хĕрсем вылянă чух, Атте-анне ăс панă чух, Чун савăнать:чěре сикет, Татах та нумай пурнас килет. Япăх мар вĕт,Акасапар хăта. Илле Тукташ, чухăн элĕк Хресчен ачи çырнă йĕркесем кусем. Ансат,çав вăхăтрах пафослă малалла ĕмĕтлентерекен йĕркесем!
Agabazar // 2140.50.4206 2013.12.27 13:50
	<<Чун савăнать:чěре сикет,>> Гимна савăнăçлах мар самантсенче те янраттараççĕ. Сăмахран, виле пытарнă чухне. <<Чăваш тěнчи çěкленнě чух,>> Мĕнлерех "çĕкленÿ" вăл, енчен те чăваш тĕнчи кашни çулах катăлса пырать пулсан? Ман шутпа, Илле Тукташ тексчĕ ăсталăх (поэзи ăсталăхĕ) тĕлĕшпе те çÿллĕ шайра мар.
Agabazar // 2363.07.5027 2013.12.31 20:27
	Тĕрĕслĕхшĕн савна каласа хăвармалла. Тукташ текстĕнче "Чăваш тĕнчи çекленнĕ чух" тени пулман, пулма та пултарайман. Тукташ тата Лебедев хăйсен хайлавне Сталинла СССРа халалланă пулнă.
Якур // 2897.92.7086 2014.01.01 01:34
	Тĕрĕслĕхшĕн савна каласа хăвармалла.Авалхи чăвашсем-несĕлсем çын çуралсан та,ĕçленĕ-каннă чухне те, çын пытарнă чух та яланах юрланă. Кашни вăхăтăн хăйне евĕрлĕ гимнĕ пулнă. Пурне вĕрентме тăрăшакан Акапасарăн çавăн пек вăрттăнлăхсене пĕлмеллех-уш. Тукташăн гимн йĕркисем "ăсталăх тĕлĕшпе çÿллĕ шайра мар" пултăр. Шăрчала çÿллĕ шайрине, вутта кĕретпĕр сан йĕркесене йышăнатпăр( только украин текстне мар).
Agabazar // 8600.6.5300 2014.01.01 17:47
	Ку текста ("Аптраманистан") çынсен умне кăларса эп чăваш гимнĕ шутласа кăлартăм теесшĕн мар. Тĕслĕх вырăнне. Ыттисем те çавна пăхса хайлаччăр. <<( только украин текстне мар).>> Украин тексчĕ тата кама пит хытă чышать-ши? Мĕн пур унта кĕçĕтттерекенни?
Якур // 1243.19.7576 2014.01.01 18:09
	Акапасар пичче е шăллăм темелле-и? Малтан çыр И.Тукташăн йĕркисенчен вирлĕрех, вара халăх умне кăлар. Кашни тĕслĕх вырăнне çырма пуçласан кунта пулать каллех "калхус".
Agabazar // 8600.6.5300 2014.01.01 18:32
	Ну калăр эппин мĕн енчен килĕшмест сире "Аптраманистан"? Вуласа тухрăр-и-ха ăна, е вуламасăрах хăвăр шухăшăра каласшăн?
Вихтăр // 1160.63.0741 2014.01.02 13:32
	Хам та вуласа тухрăм "Аптраманистан" шедевра. Ахăртнех,Акапасар çыраканĕ пулать пулмалла. "Не зацепило"-теççĕ вырăссем. Тен,кĕввине итлесе пăхсан ман туйăм улшăнĕ. Итленĕ хыççăн пулăм хушатăп.
Agabazar // 4211.09.0448 2014.01.02 16:48
	Не зацепило-тăк, не зацепило! Апла пулсан лайăхраххине хăвар ăсталăр! Е малашне те "Чăваш тĕнчи çĕкленнĕ чух!" тесе суя хăпартланупа юрлама пултаратăр! Чăваш тĕнчийĕ вара "çĕкленме" шутламасть те! Пачах урăхла: аннăçем анса пырать......... => => =>=>......=>..... Пирĕн урам анаталла.