Чăваш чĕлхи

Анатолий Васильев | Сăвă | 769


Чăваш чĕлхи

пĕтет тесен,

эпĕ те кăштах

хăрарăм.

Çак шухăшсем

ăçтан вĕсем;

Кам тупнă-ши –

арçын, хĕрарăм;

 

Халлĕхе

чăваш нумай –

ăçта кăна

вĕсем пурнаççĕ!

Юлашки

çулсенче пĕрмай –

чăваш пĕтет –

тесе калаççĕ.

 

Кама кирлĕ

çак шухăшсем;

Кама пулăшаç

вĕсем;

Кама-ши

çывăрма памаç

е кун çинче

укçа тăваç;

 

Ача ман

чăвашла пĕлмест,

ашшĕ-амăш

чăваш пулсан та.

– Вăл чăваш мар –

тейес те килмест,

чăвашла

калаçмасан та.

 

Ун ăшĕнче

чăваш чĕри,

вăл юнĕпе те

чăн чăваш!

Вăл ман пекех

питĕ вĕри,

çав вăхăтрах

тата йăваш.

 

Раççей

хулисенчи чăваш,

калаçтăрах

вăл вырăсла.

Парас килет

сире канаш –

шухăшлăр

çапах чăвашла.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: