Елена Кузьмина

Елена Николаевна Кузьмина 1956 çулхи чӳкĕн 4-мĕшĕнче Тутарстан Республикинчи Пăва районĕнчи Элшел ялĕнче çуралнă. 1974 çулта Элшелĕнчи вăтам шкултан вĕренсе тухнă. Çав çулах И. Н. Ульянов ячĕллĕ Чăваш патшалăх университечĕн историпе филологи факультетне вĕренме кĕнĕ, ăна ăнăçлăн пĕтерсе тухнă.

Шкулта вĕреннĕ чухнех калавсем çырнă. 10-мĕш класра вĕреннĕ чухне «Пионер сасси» хаçат редакцийĕнче Чăваш патшалăх университечĕ ирттернĕ «Çамрăк журналист» конкурс çĕнтерӳçи пулнă. Унăн калавĕсем «Канаш», «Чăнлă хыпарĕсем» хаçатсенче, çаплах Шупашкарта тухса тăракан хаçат-журналсенче пичетленеççĕ.

1979 çултан пуçласа паянхи кунчченех «Чăнлă хыпарĕсем» район хаçатĕнче вăй хурать. «Шевле» литпĕрлешӳ членĕ.