Reklamo

Аçтахар Плотников: Ҫул хакӗ — пӗрре савантарчӗ, тепре хурлантарчӗ

Аçтахар Плотников26.02.2010 16:435690 Пурĕ пăхнă

Шупашкара ҫитнӗ хыҫҫӑн хулана тухма тиврӗ. Хайхи 46-мӗш (Лапсартан хулана ҫӳрет) маршрутка ҫине лартӑм та ҫул хакӗ 10 тенке чакни пирки пӗлтӗм — малтанхи пек 11 тенкӗ патӑм та мана пӗр тенке каялла тавӑрчӗҫ. Ара ку питӗ лайӑх-иҫ — хаксене ӳстерме ҫеҫ мар, чакарма та пӗлеҫҫӗ-иҫ кусем тесе хӗпӗртерӗм.
Никоаев урамне ҫитнӗ хыҫҫӑн хайхи троллейбус ҫине куҫса ларма тиврӗ. Малтанхи пек кондуктор аллине 9 тенкӗ паратӑп: «Сан 1 тенкӗ ҫитмест кунта» — тет хайхи. Малтанхи савӑнӑҫ вара пӗтсе ларчӗ...

Маршруткӑсемпе ахаль троллейбуспа автобуссен хакне пӗрпеклетме кирлӗччӗ-ши ӗнтӗ? Мана мӗн курӑнать? Автобуссемпе малашне ҫынсем сахалтарах ҫӳреме тытӑнӗҫ пулӗ тетӗп. Троллейбуссенче те ҫынсем сахаланӗҫ. Мӗн кӗтет? Автобуссемпе троллейбуссенче ҫын сахаланнине кура вӗсене ҫула сахалрах кӑларма тытӑнӗҫ — льготӑпа ҫӳреме пултаракан ҫынсен вара ирӗксӗрех тӳлевлӗ транспортпа усӑ курма тивӗ. Уйрӑм усламҫӑсен аллинчи транспорт ирӗклӗрех — рейс тупӑш памасан маршрута тухасшӑнах пулмӗҫ. Ҫавӑнпа та каҫхине ӑҫта та пулин ҫитме йывӑртарах пулӗ. Тата мартшруткӑсем вӗсем ытла та нумайланса кайнипе пер-пӗрне кансӗрлеме тытӑнӗҫ, ларанҫынсемшӗн тупӑшса пӗр-пӗринчен иртсе каяс тесе хӑвӑрт-хӑвӑрт ҫӳресе ҫул йӗркине пӑсма тытӑнӗҫ — ҫул ҫинчи хӑрушлӑхлӑх лайӑхланмех.

//шел те курашкал лару-тӑрӑва эп унччен тепӗр хулара курса — лайӑххипе вӑл вӗҫленменччӗ. Эп Чулхула пирки калатӑп. Пӗр 3 ҫул каялла унта ахаль автобуссем ҫуккипе пӗрехччӗ (троллейбусӗсем унта Шупашкарти пек аталанман) — халӑхӑн 90% маршруткӑсемпе ҫӳретчӗ. Питӗ кансӗрччӗ — тулли ПАЗсенче ларса курнӑ ҫын ӑнланӗ. Проездной пирки каламалли те ҫук. Хӑш-пӗр чарӑнусенчен ларса кайма ҫуккипе пӗрехччӗ. Халӗ вара автобуссене каялла тавӑрчӗҫ — маршруткӑсен шутне ятарласа чакарнӑ пулас. Халӗ автобуспа ларса ҫитме, маршруткӑпа танлаштарсан, темӗн чухлӗ ҫӑмӑлрах. Проездной пурри те лайӑх.
Хаксем тӗлӗшӗнчен — чи хакли 14 тенкӗ. Хӑш-пӗр маршруткӑсенче йӳнӗрех те — 10 тенкӗрен пуҫласа 12 тенкӗччен. 14 тенкӗллисем те нумай. Автобусӗсем те Шупашкарти пек пӗчӗккисем мар, пысӑк ЛиАЗ-сем.
Чулхула тунӑ йӑнӑша Шупашкарсен тӑвас марччӗ :)

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton]