Reklamo

Аçтахар Плотников: Е авторӗ пӗрре, е вӑрласа ҫырнӑ...

Аçтахар Плотников04.01.2010 14:293600 Пурĕ пăхнă

«Тӑван Атӑлӑн» 12-мӗш номерӗнче Леонид Маяксенӗн калавӗсем пичетленнӗ. Пӗри — «Эп кӗпепе ҫуралнӑ», тепри — «Ҫӑхан Анни». Пӗрремӗшне кӗртнӗ май ним ыйту та тухмарӗ-ха, иккӗмӗшӗпе вара... Пӗр-ик абзацне вуланӑ хыҫҫӑн ман пуҫра ку калавпа малтан паллашнӑ пек туйӑна пуҫларӗ. Иккеленӗве сирес тесе электронлӑ вулавӑша пӑхрӑм — Леонид Маяксенӗн унашкал калав тупӑнмарӗ. Иккӗленӳ ҫапах сирӗлмерӗ. «Ку калава тен тунӑ та вулавӑша кӗртмен?» — шухӑш явӑна пуҫларӗ. Каярах тепри пурса ҫитрӗ: «Тен кӗртнӗ чухне авторне йӑнӑш кӑтартнӑ?» Ара, унашкалли те пулма пултарать — ку калава кӗртнӗ пек астӑватӑп-ҫке... Ҫакна пӗлес тесе электронлӑ вулавӑшри шырав анине «киндер» сӑмаха кӗртрӗм. Ыйтӑва ятӑм... Вулавӑш тупса пачӗ. Кӗртнӗ иккен — Лев Саламатӑн «Вӗлтӗркке» калавӗ пулса тухрӗ. Тен, вӑл калавӑн авторне йӑнӑш кӑтарнӑ пулӗ? Ку ыйтӑвӑн хуравне пӗлес тесе «Капкӑн» журналӑн (калава астӑвасса унтан илнӗччӗ) номерӗсене туртса кӑлартӑм. Шыраса тупрӑм — «Капкӑнӑн» 2008 ҫулхи утӑ уйӑхӗнче тухнӑ кӑларӑмра. Авторне те Лев Саламат тесе палӑртнӑ, ячӗ те ҫавнашкалах — «Вӗлтӗркке»...
Хайхи танлаштарса пӑхрӑм — пӗрешкелех, кӑ-ӑ-ӑш уйрӑмлӑх пур кӑна. Калавне анлӑлатнӑ тейӗн. Вара кӗртес терӗм — икӗ вариант пултӑр. Танлаштармалла пултӑр.
Ҫавах та тепӗр ыйтусем ҫуралчӗҫ:
Тен Лев Саламачӗпе Леонид Маяксемӗ пӗр автор? Тен Леоничӗ Лев Саламатӑн калавне вуланӑ май ӑна кӑшт улӑштарса хӑйӗнни пек парасшӑн пулнӑ? Тен «Капкӑнта» хайлавсем ҫыракансем ҫителӗксӗр пулнӑран пӗр авторах темиҫе ятпа пичетлеҫҫӗ?
//ку ҫырӑва эп нетбукпа ҫыртӑм — ҫавӑнпа кунта кирилл саспаллийӗсем тӗл пулаҫҫӗ... Ҫавнашкал сарӑм лартнӑччӗ те...

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton]