Reklamo

Аçтахар Плотников: Тӳрӗ эфирта калаҫрӑм

Аçтахар Плотников01.12.2009 11:234667 Пурĕ пăхнă

Иртнӗ эрнекун, чӳкӗн 27-мӗшӗнче, Наци радиовӗнчи тӳрӗ эфирта пултӑм. Кӑларӑмӗ «Ҫӗр сум» ятлӑ, ӑна Олег Прокопьев ертсе пырать.
Унччен тӳрӗ эфирсенче пулманскер пӑшӑрхантӑм паллах. Кайран вара мӗн пулать те мӗн килет тесе хӑрамасӑр кайса лартӑм. Ҫур сехет ытла та нумай тесеччӗ малтан — ку вӑхӑт вара питӗ хӑварт иртсе кайрӗ. Сиссе те юлаймарӑм — пирӗн калаҫӑва пӗтӗмлетме вӑхӑт та ҫитнӗ иккен.
Чипер су пулсан наци радиовӗн программине сайтра вырнаҫтарӑпах. Хальлӗхе темӗскер вӑхӑт тупаймастӑп-ха...

Тӳрӗ эфирта мӗн калаҫнине кунта итлеме май пур:
http://music.chuvash.org/Radiokalar ... r-sum-nplotnikov.mp3

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (2)]

Komentoj:

Андрей // 3919.43.1025 2009.12.01 13:15
	Ку кăларăма эпĕ те итленĕччĕ.Кил хушшинче ĕçленĕ пĕрехмай вĕçне çеç илтме тÿр килчĕ.Инçет тетелĕнчи чăваш сăмахĕ вăй илнинче паллах сирĕн пархатарлă ĕçĕн сумĕ çав тери пысăк.Мĕншĕн тесен эсир йĕркеленĕ Чăваш халăх сайчĕ паян кашни чăвашшăнах хаклă.Пĕр-пĕр хыпар-хăнар самантранах тĕнчен пур кĕтессинех çитме пултарать.Каланă е çырнă сăмахăн яваплăхĕ те пур.Мĕнле калаççĕ-ха халăхра:"Сăмах çерçи мар - тытаймăн".Çеçпĕл кĕтнĕ вăхăт çитмест те-ши? "Чăваш чĕлхи тимĕр татĕ" тени паянхи инçет тетелĕ пирки каланăнах туйăнать. Сирĕн ĕçĕрте яланах ăнăçу пултăр!
Сувар С. // 4503.3.9864 2009.12.02 10:27
	Маттур! Тата нумайрах каламала чăваштет пирки. Çур сехет те сахал пулчĕ. Эп хăçан чăваш тв курап кăштах ăнланмас ха. Кунта пур калаçуне ăнлантăм.