Reklamo

: Вӗрентекенсене ЧӐВАШЛА ӗҫлеме вӗрентме май пур-ши?

14.04.2009 10:574177 Пурĕ пăхнă

Ку сайта нумай чӑваш чӗлхипе сӑмахлӑхне вӗрентекен кӗрсе тухать. Ҫӗнӗ технологисене алла илнисем те чылай. Эпӗ те кӑштах компьютерпа ӗҫлекелеме пӗлетӗп. Ман пек ҫӗнӗ технологисене ачасене алла илме пулӑшас текен вӗрентекенсене пӗрле пухма, вӗсемпе вӗрентӳ ирттерме май ҫук-ши? Пӗр-пӗрин опычӗпе паллашӑпӑр, ҫӗннине вӗренӗпӗр. Мӗнле аван пулмаллаччӗ...
Ачасене ҫӗнӗлле вӗрентеймесен, чӑнахах та, чӑваш чӗлхи те пӗтӗ. Пуласлӑх - ачасенче. Паянхи куна тивӗҫтерекен пӗлӳ пама тӑрӑшмалла. Эпир вара, вӗрентекенсем, кашни уйрӑмшаррӑн тапаҫланатпӑр. Пирӗн пӗрле пухӑнса калаҫмаллаччӗ, канашламаллаччӗ...

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (10)]

Komentoj:

Аçтахар Плотников // 2131.06.7895 2009.04.14 12:14
	Паллах май пур. Тăрăшмалла çеç. Сăмах май «Компьютеррăн» кăçалхи 12№ (24.03.09 числара тухнă) паллашма сĕнетĕп. Унта шăп та лăп шкулсенче информатикăна вĕрентес ыйтăва тăратнă. Унта 2-3 статья пур — вĕсемпе паллашмаллах пулĕ тетĕп.
Элпи // 3004.53.9023 2009.04.14 15:27
	Мана информатика мĕнле вĕрентмелли мар, чăваш чĕлхи урокĕсенче мĕнле майпа усă курмалли интереслентерет. Компьютера пачах та хăв тĕллĕн вĕренме питĕ йывăр. Гуманитари вĕреннĕ хыççăн урăхла шухăшлама вĕренме чăнах та хĕн.
Ajdush // 8765.0.5192 2009.04.14 15:48
	Migulaj çырать: Чăваш республикинчи кашни шкулта чăвашла шрифт пур-ши?
Элпи // 3004.53.9023 2009.04.14 17:03
	Чăваш шрифчĕсем пур, вĕсем нумай та. Кашни шкултах - темиçе. Çуккисем "Чăваш чĕлхи электронла справочинксенчен" уçласа илме пултараççĕ. Ку йывăрлăх мар. Анчах та вĕрентекенсем шрифтсемпе пăтрашăнаççĕ. Пĕр-пĕринпе информаци улăштарнă чух шрыфчĕсене те çырса пама маннăран пăтăрмахсем сиксе тухма пултараççĕ. Шрифт пулни аван, раскладка пулни тата пахарах!
Анонимла // 2878.4.5876 2009.04.17 13:55
	Акă, эпĕ хамах (8-мĕш класра вĕренекен ывăлăм пулăшнипе) чăвашла сайт турăм. Анчах унта чăвашла çырмалла тумалли майне пĕлместĕп-ха. Ун вырăнне «Вордра» çыратăп та копи туса кĕртетĕп. Чăвашла çырмалли программăна кам тупса парĕ-ши? Министерство ку ыйтупа пач та ĕçлемест. Вĕсен «çăкри» вĕт-ха вăл! Манăн сайт: http://www.chuvsite.ucoz.ru/
Аçтахар Плотников // 2131.06.7895 2009.04.17 15:25
	>Чăвашла çырмалли программăна кам тупса парĕ-ши? Программи хатĕр. Çитес вăхăтра пурте пулĕ. Ĕнер кăна вăл программăна епле лартмаллине ăнлантарса паракан текста хатĕрлерĕм. Халь ăçтан ăна уçласа илмеллине пĕлтерместĕп — сайчĕ хатĕрех мар. Чăваш чĕлхе кунĕ тĕлне хатĕр пулĕ.
alex-net // 1923.21.0986 2009.04.29 12:11
	Админ, ăçта-ха сан Интернета чăвашлатакан программусем?
Аçтахар Плотников // 2134.37.6306 2009.04.29 12:48
	Кăшт кĕтме тивет. Вăл чăваш чĕлхи коммисийĕн сайтĕнче вырнаçнă. Сайтне хальлĕхе кăтартма хушмарĕç — унта пĕр япалана юсамалла (комисси ятне улăштарма шутланă). Вăл сайта чăваш чĕлхи кунĕ тĕлне уçасшăнччĕ — май килмерĕ. Çитес вăхăтра, çу уйăхĕнче, чĕлхе комиссийĕн çĕнĕ ларăвĕ пулĕ — ун хыççăн ĕçлесе каять. Енчен те тата та малалла тăсаççĕ пулсан — ку сайтра вырнаçтаратăп (тăрăшса тунă ĕçе кăтартмаллах ĕнтĕ). Ман хатĕр — кăтартмалли çеç юлнă.
alex-net // 2263.9.8217 2009.05.03 19:53
	Маттур ача эс, админ! Комментари страницине те чăвашла çырмалла туса панă.
alex-net // 2263.9.8217 2009.05.03 19:55
	Админ, "Сайт тусĕсем" баннер лартсан тата аван пулĕччĕ.