Тӗнчери нумай ҫӗршывра темиҫе патшалӑх чӗлхи. Демократи принципӗсене тӗпе хуракан, вырӑнти халӑхсен прависене туллин хӳтӗлекен патшалӑхсенче ӗҫ хучӗсене те, саккунсене те патшалӑх чӗлхисемпе йышӑнаҫҫӗ.
Республикӑмӑрӑн Конституцийӗпе килӗшӳллӗн пирӗн икӗ пӗр тан патшалӑх чӗлхи – чӑваш тата вырӑс чӗлхисем. Шел пулин те, 2000-мӗш ҫулхи чӳк уйӑхӗн 30-мӗшӗнче пирӗн чи тӗп саккуна йышӑнакансем Чӑваш Конституцине вырӑсла кӑна йышӑнса, унӑн вырӑсла вариантне кӑна юридици вӑйне парса сахалран та Чӑваш Республикин Конституцийӗн чӗлхесем пирки калакан 8-мӗш статйине тата «Чӑваш Республикинчи чӗлхесем ҫинчен» калакан саккуна пӑснӑ.
Конституцин чӑвашла куҫарӑвӗн вара юридици вӑйӗ ҫук.
Хальхи вӑхӑтра пӗр чӗлхепе кӑна йышӑннӑ тӗп саккун Чӑваш Республикинчи титуллӑ чӑваш халӑхне ниепле те тивӗҫтереймест, унӑн интересӗсемпе прависене хӳтӗлеймест. Пайӑррӑн каласан, пирӗн тӑван чӗлхепе мар, вырӑсла кӑна официаллӑ ҫирӗплетнӗ саккун пирӗн правасене хӗсӗрлет.
Чӑваш Республикин хальхи Конституцин вӑйне чарса лартма, Раҫҫей Федерацин тата Чӑваш Республикин саккунӗсемпе килӗшӳллӗн, чӑваш халӑхӗн прависене шута илсе, вӗсене хӳтӗлесе, туллин тивӗҫтерсе ҫӗнӗ Конституци йышӑнма, чӑваш чӗлхипе те йышӑннӑ тӗп саккуна юридици майӗпе тулли вӑй пама вӑхӑт ҫитнӗ (иртсе кайнӑ) мар-ши-ке?
... ... ... ... ...
...
(Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)
Pri la retejo
+12.5 °C
