Eniri | Registriĝo | Сайта кӗрсен унпа туллин усӑ курма пулӗ
 +27.0 °C
 

Reklamo

Софья Савнеш: Уяв сӗтелӗ мӗн хака ларать?

Софья Савнеш27.12.2015 19:082509 Пурĕ пăхнă

Ҫӗнӗ ҫул умӗн лавккасенче, гипермаркетсенче халӑх хӗвӗшет. Пурте уява хатӗрленеҫҫӗ, апат-ҫимӗҫ туянаҫҫӗ. Ҫӗнӗ ҫулччен темиҫе кун кӑна юлчӗ. Раштавӑн 30–31-мӗшӗсенче лавккасенче мӗнлерех хӗвӗшӳ пулӗ-ши тата?

Кризис, кризис теҫҫӗ… Ҫапах хырӑм выҫать, Ҫӗнӗ ҫула пушӑ сӗтелпе кӗтсе илеймӗн. Ҫулталӑкӑн юлашки уйӑхӗсенче ӗҫре шалу вӑхӑтра паманни пирки чылай пӗлӗшрен илтме тӳр килчӗ. Апла-и, капла-и — этем сӗтел хатӗрлеме май тупать. Лавккасене хам та кӗретӗп, хаксемпе паллашатӑп.

Кӑҫал, тунмастӑп, уяв сӗтелӗ самай хака кайса ларӗ. Паллӑ ӗнтӗ, мандарин шӑрши кӑлармаллах. 1 килограмшӑн вӑтамран 90–100 тенкӗ кӑларса хума тивӗ. Акципе шыраса тупма пулать пулӗ-ха та. Анчах унашкаллине сиссе юлма йывӑр — хӑвӑртах туянса пӗтереҫҫӗ. Сехет 12 хут шакканӑ чухне шампань эрехӗ уҫмаллах. Уншӑн вӑтамран 150–200 тенкӗ кӑларма хумалла. Ку — акципе. «Оливье» салат сӗтел ҫинче пулмасӑр епле-ха? Ҫӗрулми, кишӗр таврашӗ тӑварланӑ хӑяр, юрать, килтех пур. 1 килограмм кӑлпасси, лайӑхраххи ӗнтӗ, 300 тенке яхӑн (е ытларах) тӑрать. Кӑштах салата ярсан касса хумалӑх та юлать. Паллах, пӗр салатпа кӑна ҫырлахмастпӑр. Чӑкӑт, пулӑ, улма-ҫырла, пахча ҫимӗҫ туянмасӑр ниепле те пулӗ. Сыр йӳнех мар. 1 килограмӗшӗн 300–400 тенкӗ тӳлемелле. Улма-ҫырла та питӗ хаклӑ. Виҫӗм ҫул кӑна апельсин, панулми 30–40 тенкӗ тӑнӑ пулсан халӗ 60–70 тенкӗрен кая мар.

Пӗр сӑмахпа, уяв сӗтелӗ хатӗрленӗ чухне укҫа-тенке перекетлесен те самаях тӑкакланма тивӗ. Ҫӳлерех асӑннӑ апат-ҫимӗҫ валли кӑна, эпӗ шутланӑ тӑрӑх, 1000 тенкӗрен кая мар кӑларса хумалла. Анчах, тепӗр хут калатӑп, кунпа кӑна сӗтел тулмасть-ха.

 

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru