Eniri | Registriĝo | Сайта кӗрсен унпа туллин усӑ курма пулӗ
 +26.0 °C
 

Reklamo

Софья Савнеш: «Ют ҫӗршывра мар, хамӑр патра кӑларнӑ эмел парӑр»

Софья Савнеш13.12.2015 21:552878 Пурĕ пăхнă

Ҫак вӑхӑтра, кӗр вӗҫӗнче тата хӗл пуҫламӑшӗнче, ҫынсем ОРВИпе тата гриппа чирлеме тытӑнаҫҫӗ. Халӗ ав урамра нӑшлатса ҫӳрекен, апчхулатакан ҫын нумай. Специалистсем палӑртнӑ тӑрӑх, кӑҫалхи сезонта «грипп эпидемийӗ» кӑрлач уйӑхне лекӗ. Анчах паянхи кун та чирлекенсем самаййӑн.

 

 

Паллах, никамӑн та чирлес килмест. Анчах ку аптекӑсемшӗн питӗ тупӑшлӑ тесе калас килет. Ара, Шупашкарта миҫе аптека пулнине шутланӑ-и эсир? Кашни утӑмрах, кашни чарӑнурах… Шутлама пуҫласан ҫухалса кайма пулать. Ҫапах кашни аптекӑнах ҫынсем кӗреҫҫӗ-тухаҫҫӗ… Пурте эмел туянаҫҫӗ. Ӑҫта ан кӗр – пур ҫӗрте те халӑх, пурне те эмел кирлӗ.

Нумаях пулмасть, ҫак кунсенче, юлташӑм чирлерӗ. Иксӗмӗр аптекӑналла ҫул тытрӑмӑр. Пӗр эрне маларах хам та пырпа аптӑраса ӳкнӗччӗ те ӑна «Амброксол» туянма сӗнтӗм. Ара, вӑл хаклах мар-ҫке-ха. Аптекӑна кӗтӗмӗр. «Чи йӳнӗ хаксем» тесе ҫырнине. «Ладушка» текеннине. Халӑхра унта йӳнӗ тесе калаҫаҫҫӗ вӗт. Анчах хӑшӗ-пӗри ҫакна хирӗҫлет. Фармацевтран ҫак эмеле пама ыйтрӑмӑр. Пур тет, анчах темле «гексал» тесе ҫырни. Вӑл 200 тенке яхӑн тӑрать-мӗн. «Ахальли ҫук-им?» - ыйтрӑмӑр унран. Ҫук. Ку эмелӗ ют ҫӗршывра кӑларни, чапли-мӗн… «Сирӗн хамӑр патра, Раҫҫейре, кӑларни ҫук-им?» — ҫаплах хӑпмарӑмӑр унран. Ҫук. Мӗншӗн? Ара, вӑл, ют ҫӗршыври, самай хаклӑрах, тупӑш ытларах кӳрет-ҫке-ха. Кӑмӑлсӑр тухса утрӑмӑр «чи йӳнӗ аптекӑран».

Аптекӑра ӗҫлекенсем чее. Вӗсен те ытларах ӗҫлесе илес килет пуль ҫав. Пӗррехинче шӑнса пӑсӑлтӑм та тута ҫине шатра тухса ларчӗ. Аптекӑна «Ацикловир» туянма вӗҫтертӗм. Пӗлетӗп: хаклӑ тӑмасть вӑл. «160 тенкӗ» — лаплаттарса хучӗ шурӑ халат тӑхӑннӑ хӗрарӑм. «Вара ҫак хушӑрах хакӗ ӳсрӗ-шим?» - тӗлӗннине пытармарӑм эпӗ. «Ку — ют ҫӗршывра кӑларни», — пулчӗ хурав. Мӗн, хамӑрӑнни ҫук-им? Пур иккен. Шырасан вӑл та тупӑнчӗ. 40 тенке яхӑн ҫеҫ тӑрать. Аптекӑран тӗлӗнсе тухрӑм. Ҫавӑнтанпа вӑл е ку эмеле туяннӑ чухне тӳрех калатӑп: «Хамӑр патра кӑларнине парӑр». Вӑл самай йӳнӗрех. Пире вара, шалуран шалӑва аран-аран хӗстеркелесе пурӑнакансене, мӗн кирлӗ ӗнтӗ?

 

Komentoj:

Миккуль // 3997.57.2913
2015-12-14 06:31

Ҫапла, чирлеме пит хакла кайса ларат. Аплп пулсан чирлемелле мар,эмелсемсӗр пурӑнмалли меслетсем ҫине куҫас пулат.Паллӑ,"хрониксен" тата сасартӑк чирлесе ӳкнисен эмелсӗр май ҫук.

"Пурте эмел туянаҫҫӗ. Ӑҫта ан кӗр – пур ҫӗрте те халӑх, пурне те эмел кирлӗ. "- тесе ҫырат Сухви. Тӗрӗсех ӗнтӗ, эпир пурте эмелӗн асамлӑ вӑйне шанатпӑр. Вӗрентсе каламастӑп, хамрӑн ҫине ытларах шанса, ытларах хусканусем туса ӳтпӗвӗмсене хӗл ытамӗнчен сирмелли майсем шырамаллах.

Кликерия // 2945.91.5289
2015-12-22 16:41

Хам чирлерӗм, пин тенкӗлӗх эмел туянтӑм. Выртать халь срокран тухасса кӗтсе. Ывӑл чирленӗ, пӗр эмелӗ 500 тенкӗ тӑрать, тет. Врач ҫырса панӑ. Вӗсем пӗр-пӗрне пулӑшса ӗҫлеҫҫӗ пек туйӑнать. Тен, иностранный лайӑхрах та, кам пӗлет. Лишь бы сываласчӗ, укҫа пурӑнсан татах та пулать. 10 ҫул каяллине аса илетӗп. Врач мана пин тенкӗлӗх эмел туянса хума хушрӗ, заппаслӑх. Туянтӑм. Киле таврӑнсан пӑх та кур, эмелӗ кунта та пулнӑ, ара, ман бесплат илме юрать вӗт, эп вара укҫалла туянтӑм...


Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru