Eniri | Registriĝo | Сайта кӗрсен унпа туллин усӑ курма пулӗ
 +5.3 °C
 

Reklamo

Таисия Ташней: Уçă алăксен кунĕнчи хупă алăксем

Таисия Ташней17.09.2015 19:172542 Пурĕ пăхнă

Республикăн Сывлăх сыхлав тата социаллă аталану министерстви республикăри пульницăсем Уçă алăксен кунне ирттерни пирки вĕçĕмех хыпарлать. Ку хыпара кашнинчех савăнса йышăнатăп, çынсене тухтăр патне лекме çăмăл тесе хĕпĕртетĕп. Тепĕр тесен, мĕншĕн çынсен кăна кун пек меслетпе усă курмалла-ха? Çывăх çыннăма тахçанах куç тухтăрĕ кăсăклантарать. Вăл та ыттисенчен кая мар-çке – Уçă алкăсен кунĕпе усă куртăр-иç текелесе пĕр виç уйăх каялла та пулĕ Республикăри офтальмологи пульницин регистратурине шăнкăравланăччĕ. «Тахçанах çырăнса пĕтнĕ», – кăмăла пăсмалли хурав илтетĕп регистратурăра ларакантан. «Чĕрĕ» черете пырсан мĕнле-ши, тухтăр йышăнмĕ-ши?» – куç тухтăрĕ патне лекессишĕн ăнтăлатăп пĕрех. «Шутран ытла çынна йышăнаймасть», – касса татать шурă халатлă хĕрарăм.

Уçă алăк тени уçă маррине ăнланнă хыççăн пĕр вăхăт лăпланса пурăннăччĕ. Паян республикăн Сывлăх сыхлав министерстви тата тепĕр хыпар пичетленĕ. Унта каллех пĕлмен çынна астармалла тата шанчăк паракан сăмах – Уçă алăксен кунĕ. Шăнкăравлам-ха тетĕп. «Йăлт çырăнса пĕтернĕ», – каллех касса татать регистратурăри хĕрарăм. Çапах та «чĕрĕ» черете пырса пăхма сĕнчĕ-ха хайхи.

Унтан Республикăри клиника пульницине шăнкăравлатăп. Унта «çавăрттариччен» Call-центр номерĕпе çыхăнса çырăнма хăтланса пăхрăм. Ара, Сывлăх сыхлав министерстви Уçă алăксен кунне электрон регистратура е асăннă центр урлă çырăнма пулать тесе çырнă та. Анчах унта Республикăри клиника пульницине çырмассине пĕлтереççĕ. «Невролог патне лекесшĕн», – тетĕп унтан пульницăн регистратурине шăнкăравласа. «Май çук. Çырăнса пĕтернĕ», – куç тухтăрĕсем евĕрех хуравлаççĕ унта та. Анчах «чĕрĕ» черете пырса ларма пулать иккен-ха. Анчах тухтăр патне лекеессипе лекеймессине вĕсем татса калаймаççĕ паллах. «Республикăн инçетри райнĕнчен сулланса çитетĕн те калăпăр, алăк патĕнче ларатăн-ларатăн та лексен те пултаратăн тухтăр патне, çаврăнса кайма тивсен те нимĕн те тăваймăн», – кăмăлсăррăн пуплетĕп регистратурăри çынпа. «Иртнинче мĕнпур çынна йышăнтăмăр», – лăплантармалла хуравлать линин тепĕр вĕçĕнчи çын.

Манăн вара пĕтĕмлетĕвĕм çапларах пулчĕ. Уçă алăксен кунĕ тени хитре сăмах кăна. Тухтăр патне лекме пĕрех питĕ йывăр.

 
Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru