Reklamo

Agabazar: XVI ӗмӗрччен чӑвашсем мӗнле ятпа ҫӳренӗ?

Agabazar05.07.2015 15:5511269 Пурĕ пăхнă

Истори анналӗсенче "чӑваш" ята XVI ӗмӗр тӗлӗпе пӗрремӗш хут асӑнаҫҫӗ.

Маларах ку ята асӑнни ниҫта та ҫук.

Шутласа кайсан, ҫакӑ питӗ тӗлӗнмелле факт. Пирӗн таврари нихӑш халӑхӑн ячӗ те ҫавнашкал "пӗлменлӗхре" ҫухалмасть.

Ирӗксӗрех ҫапла шутлама тивет: чӑвашсене вӑл вӑхӑтра урӑх ятпа е урӑх ятсемпе чӗннӗ пулас.

Мӗнле ят е ятсем-ши вӗсем?

Атӑлҫи Пӑлхар карттине ак ҫак тӗлтен илтӗмӗр — http://kazan-sights.ru/history/790/

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (23)]

Х. Фейзханов. «Всего четверть усилий для татаризации чувашей.» И про булгарские надписи на камнях.

Владимир Болгарский

Komentoj:

Михаил Волков // 5654.9.2956 2015.07.05 22:19
	"Хыпар" кăларса тăнă "Чăваш тĕнчи" ятарлă кăларăмĕнче (9/79/№,2005, юпа, 6) Петĕр Мультиерсем (Мускав хули) çырнă "Халăх ячĕ - XIII ĕмĕрте" статья тухрĕ. Арабсен Ибн эль-Асир ятпа историксем асăнаканăн летопиçĕнче 800 чăваш (ч саспалли çукран ТАВАШ тесе çырнă) юланутçă халифат çарĕнче пулнине асăннă. Вĕсене автора арабсене хирĕç тухма хатĕрленме халиф ярса панă. 1221 е 1223-мĕш çулсенче тенĕ. Летопиçе вырăсла куçараканĕ В.Тизингаузен. Унăн ĕçĕ "Сборник материалов, относящихся к истории Золотой Орды" ятпа 1884 çулта Питĕрте тухнă. Куçаруçă автор орфографине тĕкĕнме тавçăрайман. - П.М.
Аçтахар Плотников // 3539.10.3538 2015.07.05 22:38
	«Халăх ячĕ - XIII ĕмĕрте» статья пирӗн сайтра та пулма кирлӗ / сканерласа вырнаҫтарнӑччӗ пулас.
Agabazar // 2735.97.2515 2015.07.06 04:40
	Хайхи статьясем: 1)Халăх ячĕ 13-мĕш ĕмĕрте 2)Халăх ячĕ 8-мĕш ĕмĕрте Пăхрăм вăл статьясене. Ним кăсăкли те çук унта. 13-мĕш, 8-мĕш ĕмĕрсем патне капашиччен, малтан 15-мĕш тата 14-мĕш ĕмĕрсем тĕлĕшпе те пулин ăнкарас пулать. Кутăнла майпа кайса тишкерем пекки тунинчен усси çук.