Reklamo

Agabazar: Çеçпĕле

Agabazar28.06.2015 23:364282 Пурĕ пăхнă

ÇЕÇПĔЛЕ

Мĕнле çеç вăрлăхран шăтса ÿсейнĕ-ши

Чăваш сăмахĕсен тулли паха тĕшши? —

Çакна чун-чĕрепе эс туйнă пуль, Мишши!

Çĕн Кун Аки хĕрсех пуçланнă пулнăран,

Тăван поэзире эс уçнă çĕн йăран! —

Умра сăнарланать хавассăр мар Ыран!

Апли апла та... Пурпĕр иртнĕ пĕлĕт пек

Çĕршывăмăрçăм урлă тĕрлĕрен инкек.

Поэт шăпи те, çавăнпах пулас, сивлек...

Анчах та эс, Мишши, çапах телейсĕр мар.

Хальхи ăрушăн эс — мала чĕнен Сăнар.

Ахаль çунман хĕрÿллĕ чĕрери кăвар!

Вут евĕр хавална туять паян кашни.

Пирте кашнийĕнчех пур Çеçпĕлтен илни.

(Пĕлтер, саманаташ*, кăна сисетĕн-и?)

Санра, поэт, асамçă сĕмĕ пур иккен.

Хайлавусем ахах-мерчен пекех ĕлккен.

Çакна ÿнерлĕх теççĕ ĕнтĕ ĕлĕкрен.

Çын пурнăçĕ кĕске: вуншар çулсем кăна.

Нумай ĕмĕрсене тăсма май çук ăна.

Ӳнерлĕх тĕнчере — ĕмĕрлĕхе хăна!

______________________________________________

*саманаташ — пĕр саманара пурăнакан çын. Танл.: современник (выр.)

Константин Бальмонтăн (1867—1942) "К Бодлеру" сăввин (1899) форматне тĕпе хурса майлаштарнă çак хайлава. http://www.world-art.ru/lyric/lyric.php?id=5090

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (2)]

Komentoj:

Agabazar // 3440.35.3652 2015.07.02 05:07
	Константин Бальмонтăн сăвви "К Бодлеру" ятлă. Çавна май кунта кун çути курнă сăвва мĕнле елят парас ыйту та çуралчĕ. "Çеçпĕле" темелле е "Çеçпĕл патне" тесен аванрах?
Agabazar // 2649.58.2036 2015.07.05 08:07
	Конми: "Вырăссем хăйсен члхинчен САНСКРИТ пулса кайно тенисене вуламарор-и, Шырався? " Ну, парать те Конми хоспочын, ну парать! http://forum.chuvash.org/threads/ch ... 501/page-2#post-7733 Вырăс чĕлхи — хальхи, паянхи чĕлхе! Санскрит — тахçанхи, авалхи чĕлхе! Мĕнле майпа хальхи чĕлхе аваллăха куçма пултарать? Вăхăт ăçтан каялла куçайтăр? Мĕн, хайхи "вăхăт машшини" текеннине шутласа тупнă-им? http://elementy.ru/lib/431350