Eniri | Registriĝo | Сайта кӗрсен унпа туллин усӑ курма пулӗ
 +5.3 °C
 

Reklamo

Таисия Ташней: Тухтăрсем пациентсене çулне кура йышăнĕç

Таисия Ташней24.05.2015 11:342734 Пурĕ пăхнă

Ĕçлекен çынна тухтăр патне каясси чĕр нуша. Тухтăрĕсем патне, тĕрĕссипе, ахаль те йăпăр-япăр каяс килмест-ха. Йăлтах – çав мăнтарăн черетне пула. Çынна меллĕ пултăр тесе электрон регистратура та шухăшласа кăларчĕç. Анчах – усси!

Сăмахăма çирĕплетме пĕр тĕслĕх кăна илсе кăтартам. Пĕррехинче çапла гинеколог патĕнче черетре ларатăп. Эрне çурă маларах çырăнса хунă вăхăтчен пĕр 10 минут маларах çитсе лартăм. Ара, электрон регистратурăпа çырăннă-çке. Унта миçере врач лекмелли паллă. Кая юлма юрамасть – ман хыççăнхи кĕрсе кайĕ. Çук иккен. Ман умрисем те 4–5 çын черетре тăпăртатса тăрать. Вĕсем ниепле те лекейменнин сăлтавĕнчен пĕри – «Эпĕ йывăр çын пирки килнĕ-ха», – тесе кĕрсе каякан хĕрарăмсем. Черет çывхарма пуçланă кăначчĕ – тухтăра тĕп врач канашлăва чĕнсе те илчĕ. «Час килетĕп. Пире тĕп врач пухать», – тесе гинеколог ĕç пӳлĕмĕнчен тухса вĕçтерчĕ. Хайхи «Эп йывăр çын текеннисем» те çаплипех тупăнсах тăраççĕ. Кун пек май килмест-ха тесе шухăшланă май кайран килекеннисене: «Эпĕ те йывăр çын пирки килнĕ», – тесе хам умран кĕртме пăрахрăм. Ман хыççăн йышăннă, кĕмелли вăхăчĕ ун та тахçанах иртсе кайнă 50 çула çывхаракан хĕрарăм та: «Эпĕ те йывăр çын. Амăш укçине параççĕ те тепĕр ача çуратас терĕм», – теме тытăнчĕ. Çапла вара электрон регистратура çырăннă вăхăт пĕр сехет çурă иртнĕ хыççăн аранç-аран кĕрсе тухрăмăр. Юлашкинчен чееленмен пулсан тата тепĕр сехет те ларăттăмăр.

Ирпе ирех кайсан та йăпăр-япăр лекеймĕн. Ватти-вĕтти хĕвĕшет. Çулланнисемпе пĕчĕк ачаллисене хурласа каламастăп та, анчах кун каçипе килте ларакан çав çынсем те пульницăна ирех çитсе тăраççĕ-çке. Мускавра çакна шута илсе, ав, ирхи тата каçхи пĕрер сехет ĕçлекенсене кăна тухтăр йышăнма пуçлĕ. Сăнавлă çав проект çитес уйăхран вăя кĕмелле. Ун валли ĕçрен справка ыйтмĕç-ха. Электрон регистратура урлă çырăннă чух полис кăтартсан компьютер тытăмĕ çын миçе çулхине палăртĕ. 55 çултан иртнĕ хĕрарăмсен тата 60 урлă каçнă арçынсен (Раççей саккунĕпе пирĕн патра çав вăхăтран пенси вăхăчĕ çитет) 8:00–9:00 тата 19:00–20:00 сехетсенчи вăхăта çырăнма май килмĕ.

Çĕнĕ тытăм пĕр уйăх сăнавлă пынă хыççăн ĕçлекенсем валли тесе уйăрнă вăхăта пысăклатмаллипе пĕчĕклетмеллине татса парĕç.

Ĕçрен ыйтса кайма йывăррисене кун пек туни лайăх пек туйăнать-ха. Анчах пациентсен правине хӳтĕлекенсем ку вăл аслă çулхисене хĕсни пулать тесе шухăшлаççĕ иккен. Çитменнине, тивĕçлĕ канурисем те хăшĕсем ĕçлеççĕ-çке. Çĕнĕлĕхпе килĕшмен енне çавсем ку йышăнăва прокуратурăн тĕрĕслемелле теме тытăннă.

 
Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru