Италири Кастальхранкӑ-Эмиле хула ҫумӗнче вырнаҫнӑ Панцано замокра хӑйне евӗр ретроурапасен пуххи вырнаҫнӑ иккен. Замок хуҫи те, урапасен хуҫа те — Марио Ригини.

Кунта, сӑмахран, сайра тӗл пулакан Alfa Romeo урапасем пур, вӗсен шутӗнче Tazio Nuvolari’s 8C 2300 та. Ку урапасен пуххинче Lancia моделӗсем те вырнаҫнӑ, ҫав шутра — Stratos. Кунтах «Формула 1» автомобильсем пур. Замокри урапасен пуххинче ҫавӑн пекех Энцо Феррари Alfa Romeo-ран кайсан ӑсталанӑ пӗрремӗш машин вырнаҫнӑ — Auto Avio Costruzioni (AAC) Type 815 ятлӑскер. Сӑмах май, Милле Милья урапасен ӑмӑртӑвӗнче унпа паллӑ гонщик Альберто Аскари хӑваланӑ.

Урапасен пуххин чылай пайне ашшӗ туяннӑ пулать. Иккӗмӗш тӗнче вӑрҫи вӑхӑтӗнче правительство вӗсен кил-йышне усӑ курма пӑрахнӑ машинсене сутнӑ — юрӑхсӑра тухнисем запчаҫсем ҫине те пулин кайӗҫ тесе шутланӑ. Марио Ригини ашшӗ вара пурне те салатман, хӑшӗ-пӗрне хӑварнӑ. Ретроурапасен пуххи ҫапла пухӑнса пынӑ та ӗнтӗ.

Хальхи вӑхӑтра урапасем замокӑн картинче пӗлӗт айӗнче тӑраҫҫӗ. Пӗр пайӗ малтан лаша вити пулнӑ сарайра вырнаҫнӑ.