Reklamo

Таисия Ташней: Кардиодиспансера кайма мӗншӗн икӗ уйӑх кӗттереҫҫӗ?

Таисия Ташней25.05.2014 06:472912 Пурĕ пăхнă

Республикӑри кардиологи диспансерӗ

«Республикӑри кардиодиспансера консультацие лекес тесен мӗншӗн икӗ уйӑх ытла кӗттереҫҫӗ?» Ҫапла кӑсӑкланнӑ Красноармейски районӗнчи Чатукасси ялӗнче пурӑнакан Венера Иванова. Аплах пулсан ыйтӑвӗ, тӗрӗссипе, уншӑн кӑна ҫивӗч марри паллӑ ӗнтӗ. Ара, камӑн ҫавӑн чухлӗ кӗтес килтӗр!

Хӗрарӑмӑн ыйтӑвӗ пирки республикӑн Сывлӑх сыхлав тата социаллӑ аталану министерстви ятарлӑ хутсемпе ҫыхӑнтарса специализациленӗ медицинӑпа санитари пулӑшӑвӗ кӳмелли вӑхӑт 10 кунтан иртмелле мар тесе пӗлтерет.

Республикӑри кардиологи центрне черет вӑрӑммине ведомство темиҫе сӑлтавпа ҫыхӑнтарать. Ҫав шутра ҫынсем унта хӑйсем тӗллӗн кайма шут тытни те пур. Иккӗмӗш йывӑрлӑх кардиолог тухтӑрсем ҫитменнипе ҫыхӑннӑ-мӗн. Виҫҫӗмӗш сӑлтавӗ черете ҫырӑннӑ пациентсен 30 проценчӗ палӑртнӑ вӑхӑта йышӑнӑва пымасть имӗш.

Медицина пулӑшӑвӗ парас йӗрке пӑхӑнмасан асӑннӑ диспансерӑн тӗп врачӗн ҫумӗпе Ольга Геннадьевна Пульхеровскаяпа ирхи 8 сехетрен пуҫласа 17 сехетчен 62-01-91 номерпе ҫыхӑнма сӗннӗ.

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (1)]

Komentoj:

Якур // 3625.45.4313

2014.05.26 23:15

Кун пек инкек пур кардиодиспансера лекес текенсен. Ку темех мар, енчен те чĕре операцине Мускава лекес текеннисен татах ытларах кĕтмелле, çав шутран чи пĕчĕккисен те. Куç чирне глаукома е катаракта енчен сиплес текенсен те çулталăкран малтан çырăнмалла. Вот çапла халлĕхе. Малтан татах та йывăр пулнă тухтăр патне лекме, халĕ халăх хăйĕн сывлăхĕ пирки тимленине пула черет вăрăмланать пулмалла.