Reklamo

: Кун пек кӗтсе илсе курманччӗ-ха Ҫӗнӗ ҫула!

09.01.2007 11:554077 Пурĕ пăхнă

Ку Ҫӗнӗ ҫула ялта кӗтсе илтӗм. Пӗрре те каяс килмесчӗ унта малтан. Аннепе аттене тахҫанах курманнипе ҫеҫ ялалла кайрӑм.
Халь пӗрре те кулянмастӑп!
31-мӗшӗнче каҫпа ял клубне тухрӑмӑр. Вӑт тӗлӗнмеллипех тӗлӗнтӗм вара!!!! Кунта ҫур ял пуҫтарӑннӑ пулӗ!!! Ватти те, вӗтти те пур клубра!Чӑрӑш тавра хоровод тӑваҫҫӗ, такмаксем калаҫҫӗ, сӑвӑсем вулаҫҫӗ аслисем те пӗчӗккисемпе пӗр танах!
70 ҫулхи карчӑксем те тухнӑ ҫак уява!!!!
Ялӗ пӗчӗк ҫеҫ пулсан та, клуб лӑк тулли!
12 хыҫҫӑн тепре тухрӑмӑр. Ҫынсем килӗсене кайман та тейӗн!!! Клуб, ҫыннисемпе пӗрле, ташласа ҫеҫ тӑрать!
Хампа пӗрле юлташ ачине илсе аннӑччӗ. Вӑл пит тӗлӗнсе те савӑнса кайре вара хулана. Пирӗн ялсем 10-15 ҫул каяллах кунашкал пӗрле пуҫтарӑнса уявлама пӑрахнӑ тет.
Вӑт, усал сӑмахсем ялта ҫамрӑкки те, ватти те ӗҫме ҫеҫ пӗлет, ӗҫлемес тесе сӑмах сараҫҫӗ. Пӗрре те ун пек маррине ӑнласа килтем халь :)
Кун пек хаваслӑ кӗтсе илсе курманччӗ-ха Ҫӗнӗ ҫула!

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (2)]

Komentoj:

Владислав Михайлов // 1845.37.5962 2007.01.09 15:53
	питё тёленмелле вара:)
Аçтахар Плотников // 2477.96.6157 2007.01.09 16:10
	Аха, эпĕ те ăмсанатăп. Пирĕн патра, хула çывăхĕнче, ӳсĕрскерсем çеç посёлок тăрăх утса çӳретчĕç...