Reklamo

Аçтахар Плотников: Путин президента таврӑнни лайӑх-и? Лайӑх.

Аçтахар Плотников24.09.2011 20:4522542 Пурĕ пăхнă

Паян тинех 2012 ҫулта кам президента ларасси паллӑ пулчӗ. Путин иккен. Ӑнсӑртран кӗмсӗрт пулмарӗ, паллах — политикӑпа интересленекенсем кун пирки тахҫанах чухланӑ. Ара, хӑвӑрах пӑхӑр: Путин вӑхӑтӗнче нимле премьер ӗҫне те президентпа тан ҫутатман. Правительство ҫуртне куҫнӑ самант та питӗ кӑтартуллӑччӗ — вӑл унта патша пек вырнаҫрӗ. Ман шутпа президентлӑх ҫулне ӳстерни те Путиншӑнах, вӑл тепӗр вуникӗ ҫул лармалӑх.
Путин президента таврӑнни лайӑх-и? Лайӑх. Мӗншӗн? Ку пулӑм ман шутпа халӑха вӑратма лайӑхрах пулӑшӗ. Влаҫри ҫынсен юмах-халапне (патшалӑхри вӑтам ӗҫ укҫи 30 пине ҫитесси пиркиех мӗне тӑрать!) итлесе киленекенсем тинех ман шутпа вӑранӗҫ — оппозици йышӗ пысӑкланӗ. Хальхи пек «ик айкки те тӑвайкки» тесе пурӑнакансем те шухӑшла пуҫлӗҫ — ӑҫталла кайни пирки, пуласлӑх пирки.
Чӑваш халӑхӗшӗн те вӑл лайӑх. Влаҫра пӗр ҫынсем тӑни вӑл аталанӑва самай чакарать — патшалӑх ыттисенчен юлма тытӑнать. Арканас туртӑм та ун пысӑкрах. Уйрӑмах пирӗнешкел «полици тытӑмлӑ патшалӑхра» (мӗн чухлӗ ытларах хӗсеҫҫӗ — ҫавӑн чухлӗ ытларах хирӗҫлес килет). Пирӗн ҫӑвар карса лармалла мар ҫеҫ — тӑван халӑх валли ҫул тупмалла, ӑна вӗҫертмелле мар.

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (44)]

Çавăн пекех

2024.06.19

О коррупции

Анатолий Кипеч

Komentoj:

Аксар Чунтупай // 4873.7.8799 2011.10.08 08:44
	Рузвельт чăн-чăн демократ пулнă. Путина вара демократ теме йывăртарах...
Галина Зотова // 1078.56.4391 2011.10.11 08:09
	Эсир тавлашни ним усси те çук. Çамрăксене шел.Суйлав та ячĕшĕн кăна, малтанах пурне те суйласа хунă.
Тайр // 5574.4.5423 2011.10.11 21:53
	Питĕ шел.Çавăнпек суйлавсене пулах коммунистсем СССРа салатса ячĕç. Ку Единая россия кама салатса ярасшăн-ши?Нивушлĕ Америкăна?
Вол // 2124.13.5196 2011.10.13 18:24
	Путин -и, Медведев -и, Сидоров-и. Пурпĕрех! Конституцие пăхăнчăр кăна. Кашни çынăн хăйне май аталанма май пултăр.
Аксар Чунтупай // 1045.6.3746 2011.10.13 19:02
	Ку суйлав Америке усă парать. Эпир хăвăртрах çĕрме пуçлатпăр та хăвăрт пĕтетпĕр...
Тайр // 5574.4.5423 2011.10.13 22:49
	Камсем вĕсем эпир?
Атл // 3784.52.0854 2011.10.14 12:55
	Лайх! Кам чваша çын вырăнне хунă? Савнр федоровшн!телей сунр!
Вол // 9720.1.8812 2011.10.15 13:55
	Пуçра тăн пултăр, чĕрере хастарлăх, чунра туртăмлăх. Ку кăтартусемпе пурне те пур çĕртре те кирлĕ пулăн.Чăваш-и эсĕ, тутар-и, пурпĕрех.
Вол // 2630.56.5477 2011.10.18 08:22
	Путин президента таврăнни тĕрĕсех пулать пулĕ. Унăн ĕçлеме ăсĕ те вăйĕ те нумайрах пулĕ. Ыттисем пурте е каялла, е айăккалла туртаççĕ. Эпĕ сурăх мар вĕт, хамăн ирĕкпе пурăнма тăрăшатăп, Путин самани мана кансĕрлемеççĕ.
Аксар Чунтупай // 2948.58.5238 2011.10.19 22:16
	Тайр 2011-10-13 22:49 Камсем вĕсем эпир? Хурав: Чăвашсем!