Reklamo

Аçтахар Плотников: Туптанӑ эрешсем пирки

Аçтахар Плотников03.06.2011 20:145205 Пурĕ пăхнă

Хулара туптаса тунӑ картасем нумай курӑна пуҫларӗҫ — чӑн та илемлӗ курӑнаҫҫӗ ӗнтӗ. Шел те, хитрелӗх хыҫҫӑн кайса пӗр япала пирки вӗсем манса каяҫҫӗ — оригиналлӑх вӗсенче ҫук. Кукӑртса, ҫавӑрса туптаҫҫӗ те — ӗҫӗ пӗтнӗ теҫҫӗ. Анчах та унашкал эрешсем хуть Шупашкарта, хуть Мускавра, хуть Кейӳ хулинче — пур вырӑнта та пӗрешкел.
Чӑваш ерешӗсене усӑ курса тунӑ тимӗр картасем те пур — вӗсем чӑнах та ют хуласенчен килнисемшӗн кӑсӑклӑ (ара, вӗсем патӗнче унашкалли ҫук-ҫке). Ӳкереҫҫӗ, кӑсӑкланаҫҫӗ.
Шупашкара чӑнах та туристсене ытларах йыхӑрас килет пулсан — пирӗн тӑрӑхра ытти хуласенче тӗл пулманни мӗн те пулин пулмалла. Агрегат савучӗ пӗр вӑхӑт карталамалли илемлӗ эрешсем шӑратса кӑларатчӗ — вӗсем хулара халь те пур-ха («Чувашия» хӑна ҫурчӗ патӗнче, хӑш-пӗр кӗперсем ҫинче тӗл пулаҫҫӗ), анчах та кӑларма пӑрахнӑран, тата хакла ларнӑран пуль, нумайланмӗҫ, вӑхӑт иртсен пӑрахӑҫланӗҫ. Туристсене пирӗн хулапа кӑсӑклантарма музейсемпе тӗрлӗ вырӑнсем пулни ҫеҫ ҫителӗксӗр ман шутпа — ахаль вырӑнсене те уйрӑмлатса, оригиналлӑлатса тухмалла. Ҫав шутра туптаса тунӑ тимӗр картасенче чӑваш эрешӗсене ытларах усӑ курни те вырӑнлӑ.
//паллах, эрешне епле тӑвасси — саккаслакантан килет...

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (3)]

Komentoj:

Аксар Чунтупай // 2666.09.2156 2011.06.04 09:43
	Пит аван шухăш. Ку ыйтăва хула администрацийĕнче çĕклемелле. Депутатсем патне тухмалла...
Атл // 1010.67.8144 2011.06.04 21:41
	Есть общество цыган в республике - они мастера -кузнецы..И наши -мастера, рядом был Васильсурск, где лучшие колокола России делались руками предков наших тоже. Даже лучшая ярмарка в Европе была когда-то там, позже перевели в Нижний Новгород.
Аçтахар Плотников // 5043.2.1941 2011.06.05 10:46
	Тимĕрçисем пур-ха, ăстасем çук мар. Ман хамăн крестнăй та тимĕрçĕ (пенсире халь). Сăмахĕ вĕсем (тимĕрçсем) тунă картасем пирки.