Reklamo

Аçтахар Плотников: Вырӑс чӗлхи йывӑртарах...

Аçтахар Плотников14.01.2011 23:074447 Пурĕ пăхнă

Шкулсенче вырӑс чӗлхине миҫе сехет вӗрентнине шута илсе, тата чӑваш чӗлхин сехечӗсене асра тытса ман ҫапла шухӑш ҫуралчӗ — чӑн та вырӑс чӗлхи йывӑр! Ара мӗн кӗҫӗн классенчен вӗрентме пуҫлаҫҫӗ те вӗрентеҫҫӗ-вӗрентеҫҫӗ, ҫаплах вӗрентсе ҫитереймеҫҫӗ! Вырӑс чӗлхипе ачасене эрнере миҫе сехет минретеҫҫӗ? 5 сехет. Чӑваш чӗлхине вара? 2-3 сехет* те (хӑш-пӗр шкулсенче 1 сехетпе те ҫырлахаҫҫӗ) ҫитет теҫҫӗ. Ман шутпа вырӑс чӗлхи ЙЫВӐР пулнӑран! Унашкал нумай вӗрентни йывӑр пулнӑран кирлӗ ӗнтӗ :) Кӗҫӗн классенчен 11 класа ҫитиччен вӗрентеҫҫӗ — ҫапах йӑнӑшсӑр ҫырма пултараймаҫҫӗ :). Чӑваш чӗлхиех ҫӑмӑл!
__
* ку вӑл чӑваш шкулӗнче

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (1)]

Komentoj:

Зоя Васильевна // 3810.87.9270

2011.01.21 13:52

"Юрататăп вуламашкăн
Чăвашла та вырăсла.
Ик чĕлхе вăл - ик ăс маншăн,
Зп пуласшăн ик ăслах",-тенĕ П. Хусанкай поэт.Вĕсене пĕлни пирĕн тавракурăма çеç аталантарать. Анчах та Чăваш çĕршывĕн тĕп чĕлхи валли 5 сехет вырăс шкулĕсенче уйăрсан мĕн чухлĕ çитĕнÿ пулĕччĕ:пĕрре ашшĕ-амăшĕсем тăван чĕлхене хисепленине курĕччĕç,тепре ачасем ашшĕ-амăшĕсене тата чăн тăван чĕлхине юратма тытăнĕччĕç.Эпир те вĕрентекенсем чăвашлăхшăн ырми-канми ĕçлĕттĕмĕрччĕ.Çак ĕмĕт пурнăçлансан нумай чăваш хăйне телейлĕ туйĕччĕ.Шанатпăр-ха,кĕтетпĕр...