Çырлара
Эс мана пĕрре курсах юратрăн
Çаранта, çырла татма кайсан.
Ман валли çеç çырлине те татрăн
Хăналас тесе хĕвел ансан.
Эс мана çырла хистерĕн,
Эп сана пуç кăшăлĕ.
Хăтана яратăп терĕн
Кĕркунне, ах, кăмăлĕ!
Шухăшпа эп те санпа çеç пулнă, —
Пуç кăшăлĕ çыхнă чечекрен.
Чĕресем пĕрпек туйăмпа тулнă, —
Улăх-çаран питĕ ирĕкрен.
Каç чаршавĕ таврана карсассăн,
Çăлтăрсем каçхи вăййа тухсан
Тĕкĕр-кӳл сывларĕ ассăн-ассăн
Эпир ун ытамĕнче юлсан...
Çуллахи çаран — çăтмах кĕтесĕ
Пĕрлештерчĕ çамрăк ик чуна.
Пурăкри сĕткен çырла пек эсĕ, —
Ĕмĕрне манмастăп çак куна.
Тухăçран хĕрелчĕ шурăмпуçĕ,
Сар хĕвелĕ тухрĕ катаран.
Çак илемлĕх-пурлăх — савни куçĕ,
Юрату çуратрĕ мăн çаран.
Шухăшсем
Ready to accelerate your website ...
В современном мире, где качество и безо...
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...