Çутă
Çӳл тӳпене çут уйăх тухнă.
Ăшă ыйха ман ялăм путнă.
Çиçсе выртать шур юр — тасалăх,
Ытарма çук хитре тавралăх.
Мĕнпур ял-йыш çыврать халь тутлă,
Пĕр чӳрече сапать-ха çутă.
Вăл çунмасан, итле-ха, тусăм,
Сӳнсе ларатчĕ çутă уйăх.
Пĕр мăрьерен тухать-ха тĕтĕм,
Шăп çур çĕрте эп çитрĕм, кĕтĕм.
Çынсем кураççĕ тутлă тĕлĕк,
Кунта кĕтсе вулаççĕ кĕлĕ.
Çак çутă та вучах ăшши —
Ман пурнăçăн таппи, тĕшши.
Вĕсем сӳнсен — сӳнет хĕвел те,
Вĕсем те эсĕ — ман телейĕм.
Пĕр мăрьерен тухать-ха тĕтĕм,
Эп çав пӳрте, туссемĕр, кĕтĕм.
Шухăшсем
Предлагаем вам высококачественный трот...
Ready to enhance your website aud...
Is your website chuvash...
Ready to drive your website succe...
Is your website chuvash...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...