Çаран çийĕн вĕçет пĕр чĕкеç

Пĕр чĕкеç çаран çийĕн вĕçет

Кунĕпе мăшарне шыраса.

Пĕр пике чĕкеçе шав тĕсет

Куçĕнчен çут куççуль юхтарса.

Суранлатрĕ сив куçлă тăхлан

Чи маттур яштака салтака.

Васкаса савăнатăн, çăхан,

Таврăнса вăл тăвасшăн ака.

Салтака чун савнийĕ кĕтет,

Ĕненет çиçессе çут кĕтрет.

Кам кĕтет — вăл кĕтсе илетех,

Юрату вилĕме çĕнтерет.

Пĕр чĕкеç çаран çийĕн вĕçет,

Салтака чун савнийĕ кĕтет...

Çĕнĕ комментари хуш