Валентин Ахтупай

Валентин Ахтупай (Валентин Степанович Степанов) 1908 çулхи нарăс уйăхĕн 2-мĕшĕнче Чăваш Реслубликин Шупашкар районĕнчи Шуркассинче çуралнă. Химкомбинат тунă тата Çĕнĕ Шупашкар хули çĕкленнĕ май унăн тăван ялĕ пĕтнĕ. Шупашкар типографийĕн ФЗУ шкулĕнче вĕреннĕ хыççăн кĕнекесем пичетленĕ çĕрте ĕçленĕ. Кайран Мускаври журналистика институтĕнче вĕреннĕ. Унтан таврăнсан «Красная Чувашия» хаçат редакцийĕнче литсотрудникра, Чăваш кĕнеке издательствинче редакторта вăй хунă

Тăван çершывăн аслă вăрçинче пулни çинчен чылай сăвă-очерк çырнă Аслă сержант фашистсене хăваласа Чехословакине çитнĕ, орден-медале тивĕçнĕ. Анчах фронтран таврăнсан сурансем ăна çырма паман. Вăл Тюмень облаçĕнчи Викулово раионĕнчи Кӳлхĕрри (Озерное) ялĕнче пурăннă.

Çамрăклах сăвăсем çырма пуçланă. М.В.Ломоносов çинчен пысăк поэма çырнă. Унăн çакăн пек кĕнекесем тухнă: «Утарлă кунсем», «Савăнăçлă вăхăт».