Reklamo

Agabazar: Чӑваш чӗлхи атте-анне ҫинче ҫеҫ тытӑнса тӑраймӗ

Agabazar27.02.2018 22:3313582 Пурĕ пăхнă

Пире атте-анне тӑван чӗлхене вӗрентет. Анчах та тӑван чӗлхе атте-анне ҫинче ҫеҫ тытӑнса тӑма пултараймасть.

Хальхи саманара ҫакӑ пушшех те тӗрӗс.

Акӑ эпир чӑвашла калаҫатпӑр, ҫыратпӑр, вулатпӑр. Ҫак япала хӑшне-пӗрне хӑйне хӑй пулса пырать пек туйӑнать пулмалла. Анчах та ку пачах та апла мар. Тӗнчере нимӗн те хӑйне хӑй, хӑй еккипе пулса пымасть. Пурин те хайӗн йӗрки пур.

Эпир ҫакнашкал хамӑр чӗлхепе усӑ курассишӗн нумай-нумай ҫын тар кӑларса тӑрӑшнӑ. Атте-анне ҫеҫ мар! Тӑрӑшнӑ вӗрентевҫӗсем, методистсем, чиновниксем, политиксем, ҫыравҫӑсем, мусӑкҫӑсем, ӑславҫӑсем... Пинӗ-пинӗпе!

Ҫавсем тӑрӑшман пулсан паян ним те пулас ҫукчӗ.

Улатӑр районӗнчи Кивӗ Эйпеҫри Лебедевсен килйышӗ

Ӗнтӗ миҫемӗш ҫул ӗнтӗ пирӗн пуҫа минретеҫҫӗ: ятарласа патшалӑх тӑрӑшни ним тума та кирлӗ мар, ашшӗ-амашӗ чӑвашла вӗренткелени те ҫитӗ!

Чӑваш тата вырӑс мар ытти чӗлхесем пирки калани ӗнтӗ ку.

Ҫав вӑхӑтрах вырӑс чӗлхине хайне вӗренӳ тытӑмӗнчен хӑваласа кӑларма никам та шутламасть. Мӗнпур предметсене вӗрентесси, вӗрентӗве ертсе пырасси пӗтӗмпех ҫав чӗлхепе пулса пырать пулин те.

Ӑҫтан-ха чӑваш чӗлхи атте-анне ҫинче ҫеҫ тытӑнса тӑма пултарайтӑр, енчен те хайхи ашшӗ-амӑшӗсем чылай чухне хайсем те чӑвашла пӗлмеҫҫӗ пулсан?

Канаш районӗнчи Сителти Яковлевсен килйышӗ.

Пӗтӗм пӗрлӗх, вӑл шутра патшалӑх тытӑмӗсем те, ҫине тӑрса кӗрешсен ҫеҫ чӑваш чӗлхи сыхланса юлма пултарать. Хӑй тӗллӗн нимӗн те пулмасть.

Атте-анне ҫине шанса лартса ыттисем ним те туманни кунта вырӑнсӑр. Ҫав еннелле туртса халлап ҫапакансем — пархатарсӑр харкамлӑхсем.

Ҫапла, пире пурне те атте-анне чӑвашла вӗрентнӗ. Е — вӗрентмен. Ҫапла вара юлашки 150 ҫул хушшинче пӗр мӗльюн ҫын чӑваш пулма пӑрахнӑ. Е, тен, апла мар-и? Анчах та пурперех ҫав хисеп ҫав тери пысӑк.

Шупашкар хулинчи Игнатьевсен килйышӗ.

Redakcia noto: La publikigo de artikoloj ne signifas, ke la redakcia estraro dividas la opinion de ĝiaj aŭtoroj.

[Aldoni novan komenton (29)]

Komentoj:

Аçтахар Плотников // 1634.73.5494 2018.02.28 14:24
	Пӗрисем килте калаҫмалла теҫҫӗ, шкула шанмалла мар тесе шутлаҫҫӗ. Теприсем пӗтӗмпех шкула шанаҫҫӗ. Килте те шкулта та чӑваш чӗлхине аталантармалла текенсем ҫук-им? Мӗн-ма пайланатӑр? Килте те калаҫмалла. Ҫав вӑхӑтрах чӑваш чӗлхи шкулта та пулмаллах! Унта кӑна мар, аслӑ шкулсенче те, пурнӑҫри ытти сферӑсенче те!
Agabazar // 2991.81.3279 2018.02.28 15:40
	Уйрăм килйыш — суверенла уçлăх. Мĕнле пурăнас теççĕ — çавăн пек пурăнаççĕ. Унта пырса сăмсана чикейместен. Паллах, саккунпа ашшĕ-амăшĕн яваплăхне палăртма пулать ку тĕлĕшпе те. Ачуна чăвашла вĕрентместĕн пулсан — пысăк штраф тÿле? Енчен те капла та тăна кĕрейместĕн пулсан — ачуна интерната кайса леç? Ача çуртне? Ашшĕ-амăш тивĕçĕсенчен хăтарас ун пек çынна? Анчах та никам та кунашкал саккунсем йышăнас çук. Йышăнсан та, кам ăна тĕрĕслесе тăрĕ? Прокурор-и? Тепĕр енчен, ача çурчĕсене леçнин мĕн усси? Унта вĕт чăвашла мар, вырăсла витерсе пăхса ÿстереççĕ ачасене, ашшĕ-амăшĕ кирек кам пулнă пулсан та! Чăвашла çитĕнтерекен ача çурчĕсем тĕнчере пачах çук пулмалла. Çапла вара ашшĕ-амăшĕнчен ку тĕлĕшпе ним те ыйтма май çук. Патшалăхран ыйтма вара халлĕхе май пур-ха. Малашне епле пулĕ — пĕлместĕп.
Аскольд Де Герсо // 1343.39.6390 2018.04.07 14:01
	Акапасар, тепĕр хутчен те калас тетĕп: енчен те ача чăвашла калаçма кăмăлламасть пулсан, кунта мĕскер тăвайăн? Хальхи ача-пăча иртнĕ ĕмĕрти мар, харсăр. Е тата чăвашла вĕренесси килмесен выçă усрар-и çавнашкаллисене? Чăвашла пуплесен хур тукмакки параççĕ, тесе шутлĕç.
Аскольд Де Герсо // 1343.39.6390 2018.04.07 14:04
	Çакна тата каласа хăварассăм пур: чĕлхе пурăнтăр тесен халăх хăйсен хушшинче туслă пулнинчен те килет, сайт çинче вара Акапасар пурне те тустарать
Agabazar // 2110.99.6183 2018.04.07 14:38
	Хайхи "çĕнĕ кайăк" кунта та çитнĕ иккен...
Attila // 1313.03.6418 2018.04.07 16:41
	Вырӑсла ҫырса идея калатӑп..До тех пор пока язык гуннов(чаваш челхи) не выйдет на мировой уровень.пока не будет применяться в Новых Технологиях наш Язык наших Великих Предков перед которыми Европа стояла на коленях включая Римскую Империю ,будет отставать и я Прошу Молодые Потомки ГунновГуннов-чаваш с,ынни, создавайте Компьютерные Программы и Средства Общения используя Чаваш с,ынн(гунн) челхи...но для Начала ,Надо Срочно Перейти на Латинский Вариант ближе к германскому варианту,,где есть умляуты как и в чувашском языке гуннов...Германцы и гунны в одно время как одна нация воевала против Римской Империи и впоследствии некоторые германские племена ушли вместе с нашими предками Причерноморье(Асла Палхар7-8 вв) ,а потом и на реку Аттилы где создали Атил Палхар С,ершывне)))Слава нации!Гуннам Слава!
Аскольд Де Герсо // 1454.78.6829 2018.04.07 18:57
	Ара, Акапасар, тăван чĕлхе çинчен калаçу пырать-тĕк, епле ĕнте эпĕ айккинче юлассăм пур?
Аскольд Де Герсо // 1454.78.6829 2018.04.07 19:04
	Attila, казахсем инçе кайрĕç-и хăйсен алфавитне латиница çине куçарса? Ĕç-пуç алфавитра çеç пулсан вĕсем çĕкленейĕтчĕç. Кирлĕ мара сÿпĕлтетме кирлĕ мар, чăваш чĕлхине пĕлмесĕр кириллицăпа çырман пулĕ пуçламăшĕнчех. Нарспи поэмăна чăваш чĕлхипе кириллица çинче çырнă пулсан та пĕтĕм тĕнче пĕлет, к у тĕслĕх мар-и? Сирĕн хыççан кайсассăн, вырăс чĕлхине те латиница çине куçармаллла. Ку ĕнтĕ сăмах та мар
Agabazar // 2888.14.0743 2018.04.07 20:57
	Аскольд, Казахсем: — мĕльюн çынран тăракан çĕнĕ тĕпхула çĕклесе лартрĕç, — Казахсен процент шайне 70% патне çитерчĕç (СССР чухне çурринчен те сахалрах пулнă) — патшалах чиккисене сумлă договорсемпе çирĕплетрĕç — унта та кунта казах историйĕпе çыхăннă палăксем çĕкленчĕç ............................................................................. Вăт çавнашкал вăл пăхăнманлăх текеннин тивлечĕ! https://www.youtube.com/watch?v=hiO3C05R1zM