Eniri | Registriĝo | Сайта кӗрсен унпа туллин усӑ курма пулӗ
 +22.0 °C
 

Reklamo

Аçтахар Плотников: Чи ҫӳллӗ шывсикки — Анхель

Аçтахар Плотников15.11.2014 02:435303 Пурĕ пăхнă

Ку шывсикки Венесуэлӑра вырнаҫнӑ, ун ҫӳллӗшӗ 1054 метр шутланать. Ниме те перӗнмесӗр юхакан шывӑн ҫӳллӗшӗ — 807 метр. Анхель ята ҫак шывсиккине Джеймс Энджел (Angel) вӗҫевҫӗ ячӗпе панӑ пулать.

Шывсиккине XX ӗмӗр пуҫламӑшӗнче Эрнесто Санчес Ла Крус уҫнӑ. Анчах та паллӑ вырӑн шутне вӑл ун тавра Джеймс Энджел вӗҫсе иртнӗ хыҫҫӑн кӗнӗ. Паллах, ку шывсиккине унччен те пӗлнӗ. Вырӑнти пемон индей йӑхӗ ӑна «Керепакупай вена» ятпа асӑннӑ пулать. Чӑвашла куҫарсан — «Чи тарӑн вырӑнти шывсикки».

Джеймс ку тӑрӑха алмас шыраса килнӗ теҫҫӗ. Вырӑнти йӑхсем каласа панӑ тӑрӑх шӑп та шай алмас йышши чул ҫак тӑрахра нумай пек пулнӑ имӗш — ҫакна пӗлсе ӗнтӗ Джеймс Энджел вӗҫсе килнӗ те. Анчах, каярах пӗлнӗ тӑрӑх, ку вырӑн алмаспа мар, кварцпа ҫеҫ пуян пулнӑ.

1933 ҫулхи чӳкӗн 16-мӗшӗнче хаклӑ чулсем шыракан Джеймс хӑйӗн юлташӗсемпе пӗрле Ауянтепуй сӑрт (кунта вӗсене тепуй теҫҫӗ) ҫине самолетпа ларма шут тытать, анчах ӗҫӗ ӑнмасть, самолётӑн кустӑрми шӑтнине пула сӑрт ҫинчен вӗсем ҫуран 11 кун анаҫҫӗ. Ушкӑнра унӑн арӑмӗ Мария та пулнӑ. Вӗсен приключенийӗ пирки хыпар питӗ хӑвӑрт сарӑлать те шывсиккине ун ячӗпе калама пуҫлаҫҫӗ. Мӗншӗн Энджел мар, Анхель? Вӗҫевҫӗн ячӗ испанла шӑп ҫапла илтӗнет иккен.

Сӑмах май сӑрт ҫинче юлнӑ вӗҫмеке (самолёта) каярах ҫав-ҫавах антарнӑ — 33 ҫул иртсен вертолетпа усӑ курса тавӑрнӑ та Маракай хула музейӗнче юсанӑ хыҫҫӑн Сьютат-Пуливар хулин аэропорчӗ умне вырнаҫтарнӑ.

2009 ҫулта Венесуэла Президенчӗ Уго Чавес шывсиккине вырӑнти йӑхсен ятне тавӑрса пама йышӑннӑ. Ку ӗнтӗ американсен империалисӑмӗпе кӗрешни шутланнӑ. Паллах, тӗнче ку шывсиккине ҫавах малтанхи ятпах пӗлет — Анхель.

Чи ҫӳллӗ шывсикки пулнӑ май кунта туристсем чылай килеҫҫӗ. Ҫитме, паллах, ҫӑмӑл мар — шывсикки Венесуэлӑн чӑтлӑх вӑрманлӑ тӑрӑхра вырнаҫнӑ. Унта сывлӑшпа е юханшыв тӑрӑх кӑна лекме пулать. Ҫулҫӳревҫӗсем валли ятарлӑ турсем хатӗрленӗ — ун шутне Канаймӑна ҫитмелли билет, апат-ҫимӗҫ тата ытти япалан кӗрет. Уйрӑммӑн тӳлесе шывсиккине сывлӑшран пӑхма май пур. Пӗлӗтлӗ ҫанталӑк пулсан, паллах, ытлашши нимӗн те кураймӑн.

Анхель шывсиккине ЮНЕСКО эткерлӗхне кӗртнӗ.

 

Komentoj:

Agabazar // 2374.26.4221
2014-11-15 04:23
Agabazar
Пĕр çĕр çул каялла татах та çÿллĕрех пулнă пулмалла. Анчах та çÿлти пайĕ вăхăт иртнĕ майăн кăштах иксĕлнĕ. Ну тен аялти пайĕ те чул-тăпрапа пытарăннă пуль.
Неважно // 3713.22.1825
2014-11-15 05:15
Неважно
Водопад - шыв ӳкни
Неважно // 3713.22.1825
2014-11-15 06:00
Неважно
Я Скворцовским словарём не пользуюсь

http://samah.chv.su/s/щука что тогда шӳпке?
http://samah.chv.su/s/пескарь - кутан
Якур // 1679.60.8763
2014-11-15 14:32
Эпĕ ăнланмарăм, сăмахсене кунта вырăсларан чăвашла Е авалхи чăваш чĕлхинчен вырăсла куçараççĕ. Мĕнле пек сирĕн шутпа? Мĕнле тусан тĕрĕсрех,Невашнă хăта?
2014-11-15 15:15
Аçтахар Плотников
«Неважно», сирĕн кранран шыв ӳкет пулас, юхмасть...
Agabazar // 3653.11.1726
2014-11-15 16:11
Agabazar
Авалхи чăваш чĕлхин йĕрĕсене паянхи венгр чĕлхинче курма пулать.
Неважно // 1818.33.1317
2014-11-16 00:29
Неважно
Шыв сикни - прыжок воды

Paĝoj: 1, [2]

Aldoni novan komenton

Via nomo:
Via komento:
B T U T Titolo1 Titolo2 Titolo3 # X2 X2 Bildo http://
WWW:
ĂăĔĕÇçŸÿ

Всего введено: 0 симв. Лимит: 1200 симв.
Сирĕн чăвашла çырма май паракан сарăм (раскладка) çук пулсан ăна КУНТАН илме пултаратăр.

Permesitaj HTML tegoj:

... ... ... ... ...

...

...

...

...
... ...
    1. (Ĉiuj tegoj devas esti skribitaj laŭregule. Se tego bezonas fermon - ĝi devas esti fermita)


Orphus

Reklamafiŝoj

Kalkuloj

 
Pri la retejo | Statistiko
(c) 2005-2010 Chuvash.Org. Demandoj pri retejfunkciado: p-code(a)mail.ru