Каçсерен тухатăп
Аслă урама,
Чун савни шыратап
Ăшшăн курнăçма.
Сахал мар ыр каччă
Пирĕн салара,
Темшĕн-çке хăраççĕ
Эпĕ савасран.
Ак, учитель Павăл —
Чапсăр йĕкĕт мар.
Пĕр каç çеç манпа вăл
Ларчĕ юнашар.
Агроном Никантăр
Кăмăла каять.
Хăй тухмасть нихçан та
Манпала вăййа.
Зоотехник Петьăн
Ĕç укçи пуян.
«Кăлăхах кĕтетĕн», —
Терĕ вăл паян.
Мĕншĕн-ши хăраççĕ
Ман юратуран?
Тумăм капăрах-çке.
Япăх-им сăнран?
Кунĕпех паян та
Тĕкĕр умĕнче
Тăтăм, япшарлантăм
Кăмăл туличчен.
Кашниех чĕнеççĕ:
«Капăр Урине».
Юратма пĕлмеççĕ
Темшĕн пикене.