Çуртпа Çурта

Сĕмлĕхре хывăнать йăрăс пӳллĕ Çурта...

Ăнсăртран чĕм кĕрет тусан витнĕ Çурта.

Халиччен шăплăхпа пуплесе ларнăран

Кунсемпе каçсене сыпăнтарнă аран...

Паянтан урăхла, урăхла паянтан.

Тап-таса, çап-çара — анраса каймалла

Кам валли шăратса янтăланă ăна?

Çурт та тупрĕ хевте çилсене шăнарма¹,

Хыпăнсах çунмалла тупрĕ йӳтĕм² Çурта.

Паянтан пуçласа, пуçласа паянтан.

¹ шăнар — лăплантар
² йӳтĕм — сăлтав

Çĕнĕ комментари хуш