«Лăскарĕ Кун сана каллех...»

Лăскарĕ Кун сана каллех:

Тӳсмелĕх вăй юлман пекех,

Курас-илтес килмест текех,

Тарса ӳкес килет — халех!...

Чăтса ирттернĕ пек терте...

Сӳсленнĕ пур-пĕрех кевте¹,

Исленнĕ тăтăрха² хевте³,

Тавра каймастăн тек — тӳртен!..

Хыçра — черетлĕ çĕнтерӳ,

Тӳрре кăларнă ĕненӳ....

Çук чĕптĕм савнăç, ӳкĕнӳ...

Пушаннă пек... пушах чĕрӳ...

Тапать-ха вăл, эппин, чĕрех:

Илем, хавал⁴, артак⁵ кĕтет...

Çакна туйсах кӳрет сипет

Пĕр сыпкăмпах пылак эрех...

¹ кевте – ӳт-пӳ
² тăтăрха — çирĕп
³ хевте – вăй-хал
⁴ хавал – вăй-хăват
⁵ артак — ачашлăх

Çĕнĕ комментари хуш