Ытлашши, чĕлхем, эс калаçан...

Зинаида Сурпан | Сăвă | 357


— Ытлашши, чĕлхем, эс калаçан,

Пуш сăмах нумай-çке çаптаран, —

Пуç пĕрре ятлать тет чĕлхине, —

Кăшт тытма вĕрен тилхепӳне! —

Чим-ха, эсĕ мар-им тилхепем?

Эс калаçтаран-çке мана тем.

Эс мĕн хушнă, эп çавна тăвап,

Санăн шухăшна эпĕ калап.

Ху вĕрен-ха тĕрĕс уйлама,

Пĕлерех мана калаçтарма, —

Хуравларĕ тет чĕлхе лешне.

Пуçĕ тытрĕ тет вара... пуçне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: