Ан кĕттер эс мана

Ан кĕттер эс мана, ан кĕттер!

Чунăмри туйăма ан сӳнтер!

Эп сана кĕтнине ан мансам.

Аякри çĕрсенчен таврăнсам!

Аякри çĕрсенчен таврăнсам,

— Манаймарăм, — тесе каласам!

Иртнине манăçа хăварса

Пурăнасчĕ пĕрле юратса!

Пурăнасчĕ пĕрле юратса,

Куçа-куç ирĕн-каçăн пăхса!

Таврăнсамчĕ савни, таврăнсам!

Ман патах сукмакна хывайсам!

Ман патах сукмакна хывайсам,

Таврăнма вăхăтна тупайсам.

Ан кĕттер эс мана. Ан кĕттер!

Чунăмри туйăма ан сӳнтер!

Çĕнĕ комментари хуш