Тĕлĕнтермĕш

Денис Гордеев | Сăвă | ачасем валли | 358


Пирĕн вăйă кулăшла.

Тĕлĕнтермĕш пит нумай.

Йытă ташлать чăвашла

Купăсне каланă май.

Ик уран çӳрет така.

Шăхличне калать ĕне.

Кролик ватă кушака

Сунара пыма чĕнет.

Слон йăваннă месерле,

Кăчи-мачи хуçкалать.

Вĕрлĕк тăрăх вĕçесле

Бегемот ав куçкалать.

Пулă сĕтĕрнĕ çуна,

Лашана ярăнтарать.

Тилĕ тупнă та çунат

Çерçирен вĕçсе тарать...

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: