«Тĕкĕртен сăна пăхмастăп...»

Тĕкĕртен сăна пăхмастăп,

Сапаланчăклăн кулса.

Çаруран чупса тухмастăп

Санăн уттуна туйса.

Эп хальччен савман уя та,

Çĕрлехи пĕччеи уя...

Ан ĕнен мана — суятăп!

Сивĕ куллăм та — суя!

Кăмăла уçса юрлас та —

Çăлтăр тăкăнĕ çӳлтен,

Юрату хĕвел пулас-тăк —

Тинĕс тĕпĕ типĕ, тен.

Каламан сăмах каланмĕ.

Калаймарăм. Чĕнмĕп те.

Халĕ тин никам ăнланмĕ

Тăлăх юлнă ĕмĕте.

Çĕнĕ комментари хуш