«Тĕл пулса пĕр чĕнми калаçма...»

Марина Карягина | Сăвă | 1991 | чечек | 346


Тĕл пулса пĕр чĕнми калаçма

Май килессĕн сунманччĕ те тек.

Алă пар юлташна юлташла,

Савнилле алă парăп халь эп.

 

Пурнăçла юлашки ыйтăва

(Ан тинкер уйрăласщăн мар пек):

Кăчкине çурайман-ха хăва,

Парнеле мана хăрнă чечек.

 

Манса кай эс куççуль пуррине!

Тĕнчере эпир çеç санпала

Пĕр чĕнми калаçма пĕлнине

Нихăçан... никама... ан кала...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: