Ҫумӑр

Çумăр çурĕ чарăнмасăр,

Сунчăк айĕнче хула.

Пĕр сăлтавсăр, васкамасăр

Чĕрĕ чун тухмасть тула.

Асфальт, тĕкĕр пек, çап-çутă,

Тавра çаптарса ташлать.

Аслати кĕрлерĕ хыттăн,

Çилĕ чарăнми кашлать.

Çурçĕр иртрĕ. Ыйăх вĕçрĕ.

Çывăрмасть каçхи тĕнче.

Çĕлен евĕр çиçĕм, çиçрĕ,

Эп — çут кĕтес тĕлĕнче.

Турăран хӳтлĕх ыйтатпăр

Пăлхануллă вăхăтра.

Васкаса çурта çутатпăр,

Çунтăр тетпĕр ку хутра.

Çумăр çурĕ чарăнмасăр,

Ислетсе çĕре вăрах.

Хăрататчĕ пире паçăр,

Халь, куратпăр, йăвашрах…

Çĕнĕ комментари хуш