Икĕ чĕре
Ан хăнăхтар хăвна, тархасшăн,
Ыр сăмахсем те ан кала.
Куç курмиех санран тарасшăн,
Пач çаврăнмасăр каялла.
Пĕлетĕп, эсĕ тĕл пуласшăн.
Чĕрӳ тапать, тен, пăлханса.
Ирччен çӳресшĕн, калаçасшăн
Чунна уçса та савăнса.
Сана курсан эп те хаваслăн
Чĕвĕлтететĕп вăтанса.
Хумханнипе сывлатăп ассăн,
Сыв пуллашатăп васкаса.
«Ку, ахăртнех, манран куласшăн», —
Çапла шутлатăн шăплăхра.
Куласшăн мар, пĕрле пуласшăн
Ăнăçура та хурлăхра!..
Эп тем пекех сана шанасшăн,
Уçасшăн пур вăрттăнлăха.
Анчах мана мансан, сутсассăн,
Çук, пултараймăп пурăнма...
Хурлăх кайтăр юхса шывпала...
Ирĕлтер, ăш сăмах, сив пăра —
Хурлăх кайтăр юхса шывпала.
Канлĕх сунмĕ атту çут катрам,
Илĕртсен те, пулсан та йăлттам.
Ăнланман шӳт-путиш — куççуле.
Пăрланать те чĕре, ак, — хĕлле.
Чĕлтĕрти юр пĕрчийĕ — тумлам,
Иртнĕ кунăн çутийĕ, салам.
Ан кӳрен, сар пике, ан çиллен,
Яш чунна сăхланасшăн çĕлен.
Хура туйăм чури ан пулсам,
Йăл кулсам та тусна каçарсам.
Шухăшсем
Здесь вы сможете найти поставщиков удоб...
Доброго времени суток...
Цикори çинчен ытларах пĕлесшĕннччĕ ...
Tired of low website traffic? This video...
Tired of low website traffic? This video...
Подскажите где найти лучшие рецепты со ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...