Алăри кăсăя

Аллунта кăсăя çеç пултăр — санăн,

Ан ăмсан тӳпери тăрнана.

Чăн юлташ хаклăрах — сылтăм алă,

Мĕн пулсан та пăрахмĕ сана.

Йăлтăркка япала — ылтăн мар вăл,

Çав-çавах илĕртет хăть кама.

Чĕлхипе — йăпăлкка, чунĕ — хăвăл,

Ан васка, тăхтасам ал пама.

Йăнăша кайран тин ăнланатпăр.

Чавса çывăх — çыртма çук ăна.

Пăт тăвар çинĕ хыççăн калатпăр:

— Çĕр çинче эпир пĕчĕк хăна!

Çĕнĕ комментари хуш