Мĕн тери шел!..

Анатолий Ырьят | Сăвă | пуйӑс | 413


Мĕн тери шел! Янрать салхуллă кĕвĕ.

Каятăн эсĕ. Пуйăс тапранать.

Чĕре çунать. Сурать тытăннă çĕвĕ,

Сывлама йывăр. Чунăм капланать.

 

Ĕмĕтсемпе сывпуллашмашкăн йывăр.

Каçар теме те шанчăк сӳнчĕ пуль.

Ах, пурнăçăм, сакку ытла та тăвăр,

Мĕнле чăтсан та тăкăнать куççуль.

 

Мĕн тери шел! Куçран çухалчĕ пуйăс.

Перрон çинче тăратăп чĕтресе…

Кĕç светофор çути çуталчĕ симĕс

Пĕтмен-ха пурнăç тенĕн систерсе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: