Хуралçă
— Сыхла çак капана тимлĕ,
Никама та ан яр.
Усал тăшман килĕ,
Тенĕ йыттине
Кулюк каçхине.
Вĕрсе вырт — ан тар! —
— Ляв, ляв, ляв!
Памăп никама пĕр лав.
Шан мана, —
Тенĕ йытă хуçана.
Утă капанĕ тăррине
Йăпăр-япăр улăхайрĕ,
Кулюка-хуçине
Ăшă куçпа ăсатрĕ.
— Тавралла карта.
Кам кнлĕ кунта?
Юрас тесе хуçана
Хупас мар-и кăшт та куçăма?
Парас мар хам вырăна.
Ытти... кай хăть çăвана.
Туртам ăшă ыйха,
Манса мĕнпур хуйха
Хам-хам... А-у-у.
Кулюк, сывă пул! —
Выртрĕ чĕркенсе,
Лайăх витĕнсе
Лаши, ĕни,
Тыни, сурăххи, качаки,
Ун таки
Тăчĕç тавралла —
Каçхи апат тумалла.
Иксĕлет капан
Хăвăрт, аван.
Вăранчĕ Хураçки —
Капан хуралçи:
— А-у, хам-хам.
Кам унта, кам?
— Эпĕр, Хураçка, эпĕр
Пулăшас тетпĕр.
Çывăрах, ыйхуна пуçтар.
Ăшчикне ан çунтар.
— Ляв, ляв, ляв!
Эсĕр миçе лав?
Хăварăр пĕр çĕклем,
Унсăрăн кичем.
Хăварчĕç пĕр çĕклем,
Лайăх пĕр чикем
Хураçки валли
Выртса тăмалли.
Пычĕ Кулюк тĕрĕслеме,
Сакăр лавпа тиеме.
Анчах утă çук
Хуçа пынă чух.
* * *
Пулкалаççĕ хăш чухне
Пирĕн хамăр хушăрах:
Пĕтĕм халăх пурлăхне
Салатаççĕ вăр-варах.
Шухăшсем
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...
Needing to lift your website traf...
Imagine if chuvash...